Periodu Dinásticu Tempranu d'Exiptu

	periodu históricu
Alministración
Xeografía

El Periodu Dinásticu Tempranu (tamién conocíu como Periodu Arcaicu o Periodu Tinita, pol nome de Tinis, la ciudá d'orixe de los sos gobernantes)^[1], ye la época del Antiguu Exiptu que sigue de manera inmediata a la unificación del Altu y Baxu Exiptu alredor del añu c. 3150 e.C..

Esti periodu inclúi xeneralmente la primer dinastía y la segunda dinastía, estendiéndose dende'l final de la cultura arqueolóxica de Naqada III hasta alredor de c. 2686 e.C., momentu que marca l'entamu del Reinu Antiguu^[2]. Cola Primer Dinastía, la capital del reinu treslladóse de Tinis a Menfis, y el país unificáu pasó a tar gobernáu por un rei divinizáu.

Na fastera sur, Abidos caltúvose como centru relixosu principal. Dientro d'esta etapa empezaron a configurase dellos de los rasgos más carauterísticos de la civilización exipcia: l'arte, la arquitectura y dellos elementos claves de la so relixón.

Enantes de la unificación, el territoriu exipcianu taba ocupáu por poblaciones autónomes de pueblos. A partir de les primeres dinastíes, y a lo llargo de gran parte de la historia d'Exiptu, el país pasó a conocese como "Les Dos Tierres", en referencia al Altu y Baxu Exiptu. Los faraones establecieron una alministración nacional y nomaron gobernadores reales. Los edificios del gobiernu central yeren xeneralmente templos al campu abiertos construyíos en madera o arenisca. Los primeros xeroglíficos exipcianos apaecen poco enantes d'esta dómina, anque se conoz poco sobre la llingua falada que representaben.

Referencies

↑ Nicolas Grimal, A History of Ancient Egypt. Blackwell Publishing, 1992, páxina 49
↑ (2000) Oxford University Press: The Oxford History of Ancient Egypt. ISBN 0-19-815034-2.

Enllaces esternos

[1] Nicolas Grimal, A History of Ancient Egypt. Blackwell Publishing, 1992, páxina 49

[2] (2000) Oxford University Press: The Oxford History of Ancient Egypt. ISBN 0-19-815034-2.

[1]

[2]