Perfecto González

De Wikipedia
Saltar a navegación Saltar a la gueta
Perfecto GonzálezPicto infobox character.png
Vida
Nacimientu Samartín del Rei Aurelio9  d'avientu de 1878
Nacionalidá Flag of Spain.svg España
Muerte

4  de febreru de 1942

(63 años)
Estudios
Llingües castellanu
Oficiu
Oficiu políticu
Creencies
Partíu políticu Partíu Socialista Obreru Español
Cambiar los datos en Wikidata

Perfecto González Fernández (Pumarabín (Samartín del Rei Aurelio), 9 d'avientu de 1878 - Xixón, 2 o 4 de febreru de 1942)[notes 1] foi un zapateru y políticu d'Asturies, España, miembru del Partíu Socialista Obreru Español (PSOE) que mientres la Segunda República foi vicepresidente de la Diputación provincial d'Uviéu.

Presidió l'agrupación socialista de La Vega en 1919. En 1920 foi escoyíu conceyal en Samartín del Rei Aurelio, cargu qu'ostentó hasta 1924. Foi escoyíu de nuevu pa formar parte de la corporación municipal nes eleiciones de 1931 que dieron llugar a la proclamación de la República. Aportó en 1934 a diputáu provincial. Foi deteníu mientres la revolución de 1934, torturáu y encarceláu. Tres l'amnistía de 1936, retomó la so actividá na diputación como vicepresidente de la xestora que la gobernaba.

Tres tomar d'Asturies poles tropes sublevaes mientres la Guerra Civil foi delegáu del Conseyu Soberanu d'Asturies y Llión y combatió como Mayor nel batallón Asturianu 215 nel sitiu d'Uviéu. Dempués fuxó al interior de la rexón, convirtiéndose nun destacáu maquis conocíu como Cachupa, el poeta de la guerrilla. Foi prindáu'l 31 d'ochobre de 1941,[notes 2] xulgáu en conseyu de guerra sumarísimu y fusiláu en febreru de 1942 nes muries del campusantu de Xixón. En 2010 el ministeriu de Xusticia expedió una carta d'arreglu y reconocencia personal en beneficiu de Perfecto González pola so persecución y muerte. Foi padre del periodista Ovidio Gondi, que vivió y morrió nel esiliu en Méxicu.

Notes[editar | editar la fonte]

  1. Difieren les fontes ente'l 2 o'l 4 de febreru como fecha de la execución.
  2. El Diccionariu biográficu del socialismu español afita la captura'l 27 de xunetu de 1940

Referencies[editar | editar la fonte]

Perfecto González