Península d'Alaska

Coordenaes: 56°30′N 158°45′W / 56.5°N 158.75°O / 56.5; -158.75
De Wikipedia
Península d'Alaska
Alministración
PaísBandera de Estaos Xuníos d'América Estaos Xuníos d'América
EstaosBandera d'Alaska Alaska
Tipu d'entidá península
Nome llocal Alaska Peninsula (en)
Xeografía
Coordenaes 56°30′N 158°45′W / 56.5°N 158.75°O / 56.5; -158.75
Superficie 1500000 km²
Demografía
Cambiar los datos en Wikidata
Volcanes de la península d'Alaska.

La península d'Alaska (inglés: ''Alaska Peninsula'' ) ye una península que s'estiende unos 800 km nel suroeste d'Alaska, nel noroeste d'América. Les islles Aleutianes constitúin un allongamientu orográficu, y, xunto con elles, dixebra'l océanu Pacíficu de la badea de Bristol, un brazu del mar de Bering.

Xeografía[editar | editar la fonte]

La península ta vertebrada pola sierra Aleutiana, una cadena montascosa llena de volcanes activos. Equí atópense diversos parques nacionales y reserves de la fauna, como'l Parque nacional y Reserva Katmai, el Monumentu nacional y Reserva de Aniakchak, el Becharof National Wildlife Refuge, el Alaska Peninsula National Wildlife Refuge y el Izembek National Wildlife Refuge.

La parte más meridional de la península d'Alaska tien un relieve accidentao y montascoso, creáu pola subducción de la placa del Pacíficu Norte so una seición occidental de la Placa Norteamericana; ente que la mariña septentrional de la penínusla ye xeneralmente plana y con marismes, frutu de milenios d'erosión y estabilidá sísmica.

La mariña norte de la península, que bordia la badea de Bristol, presenta agües turbies, pocu fondes y sometíes a considerables marees, ente que la mariña sur, nel Pacíficu, tien una agua fondo y clara.

Demografía[editar | editar la fonte]

Amás de les comunidaes asitiaes na mariña de la badea de Bristol, la península d'Alaska alluga delles llocalidaes: Cold Bay, King Cove, Perryville, Chignik, Chignik Lake, Chignik Lagoon y Port Moller. En toos viven principalmente indíxenes d'Alaska y dependen de la industria pesquero.

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]