Pedro Leal Llaneza

De Wikipedia
Saltar a navegación Saltar a la gueta
Pedro Leal LlanezaPicto infobox character.png
Escudo de Langreo.svg
Conceyal del Ayuntamientu de Llangréu

2003 - 2011
Coat of Arms of Asturias.svg
Diputáu na Xunta Xeneral del Principáu d'Asturies

16 xunu 2015 -
Eleiciones: Eleiciones a la Xunta Xeneral del Principáu d'Asturies de 2015
Logo Foro Asturias.jpg
Presidente de Foru Asturies

18 xunu 2018 - 29 setiembre 2018
Cristina Coto - Carmen Moriyón
Vida
Nacimientu

Llangréu1971

(48/49 años)
Nacionalidá Bandera d'España España
Estudios
Estudios Universidá d'Uviéu
Llingües castellanu
Oficiu
Oficiu políticuabogáu
Creencies
Partíu políticu Partido Popular
Foru Asturies
Cambiar los datos en Wikidata

Pedro Leal Llaneza (1971Llangréu) ye un políticu y abogáu español parllamentariu de Foru Asturies na X y XI llexislatura y conceyal del Ayuntamientu de Llangréu ente 2003 y 2011 col Partíu Popular d'Asturies. Presidió FORU ente xunu de 2018 y setiembre d'esi añu pola dimisión de Cristina Coto.[1]

Biografía[editar | editar la fonte]

Pedro Leal ñació en Llangréu en 1971 y estudió na Universidá d'Uviéu la carrera de Drechu, especializóse en Mediación Social y Familiar. Foi miembru de la Fundación MUSI y trabayó n'entidaes privaes hasta 2001, cuando decidió metese en política, afiliándose al PP asturianu. En 2003 ye escoyíu conceyal nel Ayuntamientu de Llangréu, siendo miembru de la Xunta de Gobiernu y de les Comisiones Informatives d'Urbanismu, Infraestructures, Mediu Ambiente y Réxime Interior, Personal, Tresportes y Comunicaciones. Exerció tamién de voceru del Grupo Municipal Popular. En 2011 abandona'l cargu y el PP pa formar parte del nuevu partíu de Francisco Álvarez Cascos, Foru Asturies.[2]

Ye escoyíu diputáu nes eleiciones autonómiques d'Asturies de 2015 y 2019 con Foru Asturies. El 18 de xunu de 2018 la Xunta Direutiva de FORU escueye a Pedro Leal como presidente temporal hasta'l III Congresu d'esti partíu, fecháu pal 29 de setiembre.

Pedro Leal se posicionó a favor de Francisco Álvarez Cascos mientres la dixebra interna en Foru tres les destituciones de Carmen Moriyón a dellos cargos averaos al fundador del partíu.[3][4]

Referencies[editar | editar la fonte]

  1. Pedro Leal, nuevo presidente de Foro y Carmen Fernández, portavoz parlamentaria https://www.lne.es/asturias/2018/06/18/pedro-leal-nuevo-presidente-foro/2305109.html
  2. Biografía de Pedro Leal Llaneza https://www.foroasturias.es/langreo/candidato/
  3. Los casquistas darán la batalla ante el «intento» de Moriyón de dominar Foro https://www.elcomercio.es/politica/casquistas-daran-batalla-ante-intento-moriyon-controlar-foro-20191125012600-ntvo.html
  4. Moriyón se rodea de dirigentes partidarios de la oficialidad en la ejecutiva de Foro https://www.elcomercio.es/politica/moriyon-rodea-dirigentes-partidarios-oficialidad-foro-20191112150028-nt.html

Enllaces esternos[editar | editar la fonte]