Paul Feyerabend

De Uiquipedia
Saltar a: navegación, buscar
Paul Feyerabend

Paul Karl Feyerabend (13 de xineru de 1924 - 11 de febreru de 1994) foi un filósofu de la ciencia austríacu que más alantre vivió n'Inglaterra, Estaos Uníos y Nueva Zelanda. Los sos trabayos más conocíos son Escontra'l métodu (Against Method, espublizáu en 1975), y Adiós a la Razón (amestadura de varios escritos espublizáu en 1987).

Soldáu na Segunda guerra mundial aú foi feríu. Nos años 1950 entamó'l so llabor filosóficu como siguidor del positivismu lóxicu del Círculu de Viena, entós baxo la influyencia de Ludwig Wittgenstein y Karl Popper. Treslladóse a Londres pa estudiar col primeru, pero al morrer Wittgenstein, foi asignáu a Popper.

Foi nel London School of Economics aú conoció a Imre Lakatos. Nos años 1970 teníen pensao espublizar un trabayu en común aú los Programes d'investigación científica de Lakatos sedríen criticaos por Feyerabend. La repentina muerte de Lakatos fixo que sólo la estaya escrita por Paul fuere espublizada col nome de Escontra'l métodu.

La crítica a la ciencia de Feyerabend foi fecha dende dos frentes. Influyíu por Popper, estudió en profundidá la lóxica del métodu científicu, asina como episodios claves na historia de la ciencia.

Feyerabend arguyía que l'adopción estricta de cualesquier métodu (como los iguaos por Lakatos o Popper) yera contraproducente pal desendolcu de la ciencia, al nun permitir la esistencia d'otres teoríes. D'ehí'l so lema too val, que permite ensin bases racionales aniciar nueves teoríes que compitan coles establecíes.

En Adiós a la Razón sofitaba la idea de que'l progresu nun esiste, sólo la sustitución d'unes teoríes por otres, nin meyores nin peores, sólo distintes caúna cola so visión del mundu: la ciencia aseméyase al arte nesque unes modes sustituyen a otres.

Enllaces esternos[editar | editar la fonte]