Patrick McGoohan

De Wikipedia
Saltar a: navegación, buscar
Patrick McGoohan
Patrick McGoohan
Nome real Patrick Joseph McGoohan
Nacencia 19 de marzu de 1928
Long Island, Nueva York, Flag of the United States.svg Estaos Xuníos d'América
Muerte 13 de xineru de 2009 (80 años)
Los Angeles, California, Flag of the United States.svg Estaos Xuníos d'América
Ficha en IMDb

Patrick McGoohan (19 de marzu de 1928 en Long Island, Nueva York - 13 de xineru de 2009 Los Angeles, California)[1] foi un reconocíu actor, quien tuvo una estensa trayectoria profesional como actor, autor, guionista y direutor.

Famosu mundialmente poles dos güei reconocíes "Series de Cultu"; Danger Man y The Prisoner que lo alluguen ente los personaxes más populares de les series de TV de los años 60.

Nel cine ye memorable la so actuación, dando vida al arteru, cruel y ambiciosu Rei Eduardu I d'Inglaterra "El Zanquilargo" nel l'aclamáu y clásicu filme épicu Braveheart (1995) de Mel Gibson.

Biografía[editar | editar la fonte]

El so nome real yera Patrick Joseph McGoohan. Fíu d'inmigrantes en Estaos Xuníos, a poco tiempu de nacer ye treslladáu a Irlanda cuando los padres deciden retornar a la so patria. Establecíos yá nel El Condao de Leitrim, la so temprana niñez vese financieramente aprobetada poles deldes acumulaes na granxa familiar, que produz pocu nun suelu probe. Na escuela destaca en matemátiques y boxéu, y más tarde trabaya como granxeru, emplegáu de bancu y conductor de camión enantes de consiguir un trabayu como tramoyista nel Teatru de Sheffield. Cuando unu de los actores cai enfermu, Patrick sustitúyelu y yá nun va abandonar el mundu de l'actuación. Ellí namórase d'una viviega actriz llamada Joan Drummond, a la que cunta qu'escribía cartes d'amor tolos díes. Entá güei son consideraos una de les pareyes más felices del mundu del espectáculu. Apoderaos pola pasión, casáronse aprovechando un descansu ente l'ensayu de The Taming of the Shrew y la función nocherniega'l 19 de mayu de 1951. Tuvo tres fíos, Catherine (n. 1952), Anne (n. 1959) y Frances (n. 1960).

Realizó papeles importantes, xeneralmente de villanu o de figures con autoridá y poder, en películes notables como Fuga de Alcatraz Escape from Alcatraz (dando vida al alcaide de la prsión), Estación Polar Cebra, L'espresu de Chicago, L'home de la mázcara de fierro, Oxetivu: Patton y la ganadora del Óscar: Braveheart.

McGoohan foi escoyíu primero que Sean Connery pa interpretar el papel de James Bond na primer película de la saga Dr. Non anque él refugó'l papel.

Nel 2000 apaeció na serie de Los Simpson nel episodiu The Computer Wore Menace Shoes (L'ordenador qu'acabó con Homer) nel que Homer va a una isla al igual que na serie de McGoohan el The Prisoner.

Morrió'l 13 de xineru de 2009 en Los Angeles, California.

Filmografía parcial[editar | editar la fonte]

Referencies[editar | editar la fonte]

Enllaces esternos[editar | editar la fonte]