Patinaxe de velocidá sobre pista curtia

De Wikipedia
Saltar a navegación Saltar a la gueta
Momentu d'una carrera en pista curtia

El patinaxe de velocidá sobre pista curtia (short track n'inglés) ye un deporte olímpico d'iviernu que consiste en carreres de patinaxe sobre xelu sobre una pista curtia.

A diferencia del patinaxe de velocidá sobre pista llarga, onde se cuerre contra'l reló, nel patinaxe de velocidá en pista curtia los patinadores compiten ente ellos y nuna pista muncho más curtia.

Esquema de pista curtia, coles curves auxiliares y les llinies de salida axustaes

L'óvalu de la pista mide namái 111 metros (frente a los 400 m de la pista llarga) y nun esiste división en carriles. Esto provoca frecuentes accidentes mientres les carreres, siendo habituales les cayíes y les descalificaciones. En xunto ye un deporte bien espectacular.

El short track ye un deporte bastante recién, que nació como una dixebra del patinaxe de velocidá en pista llarga. L'oxetivu yera poder facer competiciones de patinaxe n'estadios de baloncestu y ḥoquei sobre xelu, que son más numberosos que les pistes de patinaxe sobre xelu de 400 metros. Foi reconocíu pola Federación Internacional de Patinaxe en 1967. Los primeros campeonatos del mundu daten de 1981 y la so primera presencia olímpica llegó en Calgary 1988, anque solo como deporte d'exhibición. Nos siguientes Juegos Olímpicos d'Albertville 1992 yá foi reconocíu como deporte olímpico de plenu derechu.

Xuegos Olímpicos[editar | editar la fonte]

Los árbitros analicen la grabación d'una prueba nos Xuegos Olímpicos d'Iviernu de la Mocedá de 2012.

Nel programa de los Xuegos Olímpicos d'Iviernu cuérrense ocho pruebes (dende 1992) de short track, cuatro masculines y cuatro femenines:

  • Les masculines son: 500 metros, 1.000 metros, 1.500 metros y 5.000 metros por equipos.
  • Les femenines son: 500 metros, 1.000 metros, 1.500 metros y 3.000 metros por equipos.

Nos campeonatos mundiales cuérrese tamién el 3000 Superfinal.

En cada prueba celébrense eliminatories nes que los primeros clasificaos pasen la siguiente ronda y asina hasta llegar a la final. En cada carrera cuerren un máximu de seis participantes.

Detalle del cambiu de patinador nuna prueba de relevos.

Nes pruebes por equipos cuérrese por relevos y n'equipos de cinco patinadores, pudiendo cada patinador dar el relevu a un compañeru en cualquier momentu, anque los dos últimes vueltes tien de faeles un solu patinador.

Competiciones de la ISU[editar | editar la fonte]

La ISU, Unión internacional de patinaxe sobre Xelu, n'inglés International Skating Union, ye una organización mundial encargada de regular les normes de la disciplina y entamar actividaes y competiciones mundiales.

Campeonatos del mundu[editar | editar la fonte]

Nos distintos Campeonatos del mundu de la ISU, tamién se cuerre la superfinal individual de 3.000 metros (3000 Superfinal), tanto femenín como masculín, prueba qu'enfrenta a los 8 patinadores con meyores tiempos nel total de les pruebes de distancia menor (500, 1.000 y 1.500 metros).[1]

Clasificación xeneral de medayistes per años[editar | editar la fonte]

Femenina

Añu Llugar del eventu Medaya d'oru Medaya de plata Medaya de bronce
2012 Bandera de la República Popular China Shanghái[2] Bandera de la República Popular China Li Jianrou Bandera de Canadá Valerie Maltais Bandera d'Italia Arianna Fontana


Masculín

Añu Llugar del eventu Medaya d'oru Medaya de plata Medaya de bronce
2012 Bandera de la República Popular China Shanghái[3] Bandera de Corea del Sur Kwak Yoon-Gy Bandera de Corea del Sur Noh Jin-Kyu Bandera de Canadá Olivier Jean

Tradicionalmente nel short track destaquen los patinadores de Canadá y Estaos Xuníos, anque apocayá vieron la so supremacía amenazada polos patinadores asiáticos, principalmente de China, Corea del Sur y Xapón.

Referencies[editar | editar la fonte]

  1. worldshorttracktm. «World Short Track :: short track skating events». www.worldshorttrack.com. Consultáu'l 17 de marzu de 2012.
  2. ISU. «Short Track Speed Skating - Results (W)». www.sportresult.com. Consultáu'l 17 de marzu de 2012.
  3. ISU. «Short Track Speed Skating - Results (M)». www.sportresult.com. Consultáu'l 17 de marzu de 2012.

Enllaces esternos[editar | editar la fonte]