Party of Five

Party of Five
Datos
Títulu orixinal	Party of Five
Xéneru	serie de televisión dramática y youth series (en)
País d'orixe	Estaos Xuníos
Idioma orixinal	inglés
Duración	60 min.
Númberu de temporaes	6
Llista de temporaes	ver Party of Five, season 1 (en) , Party of Five, season 2 (en) , Party of Five, season 3 (en) , Party of Five, season 4 (en) , Party of Five, season 5 (en) y Party of Five, season 6 (en) ;
Númberu d'episodios	142
Llista d'episodios	list of Party of Five episodes (en)
Repartu	ver Jeremy London ; Brittany Murphy ; Jennifer Love Hewitt ; Matthew Fox ; Neve Campbell ; Lacey Chabert ; Scott Grimes ; Alexondra Lee ; Jennifer Aspen ; Paula Devicq ; Scott Wolf ;
Primer emisión	12 de setiembre de 1994
Última emisión	3 de mayu de 2000
Emisora orixinal	Fox Broadcasting Company
Distribuidora	Columbia TriStar Television (en) y Netflix
Series derivaes	Time of Your Life
Premios	ver Globu d'Oru a la meyor serie de televisión dramática (1995);

Party of Five ye una serie de televisión d'Estaos Xuníos de drama adolescente y drama familiar creada por Christopher Keyser y Amy Lippman, que s'emitió orixinalmente en Fox del 12 de setiembre de 1994 al 3 de mayu de 2000, con un total de seis temporaes y 142 episodios. La serie cuenta con un repartu principal encabezáu por Scott Wolf como Bailey, Matthew Fox como Charlie, Neve Campbell como Julia y Lacey Chabert como Claudia Salinger, que xunto al so hermanu bebé Owen (interpretáu por dellos actores) formen cinco hermanos a los que sigue la serie tres la muerte de los sos padres nun accidente de coche. Otros actores destacaos inclúin a Scott Grimes, Paula Devicq, Michael Goorjian, Ben Browder, Jeremy London y Jennifer Love Hewitt. Anque se categoriza como serie dirixida a adolescentes y xente mozo, Party of Five trata temes maduros como l'abusu de sustancies y violencia doméstica, embaranzu adolescente, enfermedaes mentales, cáncer y los efeutos a llargu plazu de la perda de los padres.^[1]

A pesar de recibir crítiques positives tres el so estrenu, incluyendo la mención de TV Guide como "La meyor serie que nun tas viendo" en 1995,^[2] la serie sufrió baxes audiencies nes primeres dos temporaes, lo que provocó especulaciones sobre la so posible cancelación.^[3] En 1996, Party of Five ganó'l Globu d'Oru a la Meyor Serie de Televisión Dramática, lo que fixo que la so popularidá y audiencies aumentaren nel restu de la serie.^[4]

Una serie derivada, Time of Your Life, protagonizáu por Hewitt, estrenóse en Fox el 25 d'ochobre de 1999 y foi cancelada tres una temporada y 19 episodios.

Sinopsis

La serie, ambientada en San Francisco, céntrase nos cinco hermanos Salinger (la "party of five" del títulu), que queden güérfanos tres la muerte de los sos padres nun accidente de coche pola mor d'un conductor borrachu. La familia ta compuesta por Charlie (Matthew Fox), de 24 años, el mayor, un trabayador manual inmaduru y muyeriegu que llucha cola responsabilidá de ser el nuevu cabezaleru de familia; Bailey (Scott Wolf), de 16 años, un adolescente antes rebelde obligáu a asumir un papel de cuidador responsable y que darréu cae nel alcoholismu; Julia (Neve Campbell), de 15 años, una adolescente sensible; Claudia (Lacey Chabert), de 11 años, una música neña prodixu; y el bebé Owen, d'un añu.

Los hermanos encárguense de xestionar el restaurante familiar, Salinger's. Charlie empieza como camareru y xestor, y más tarde Bailey toma'l mandu. A lo llargo de los años, los Salinger enfréntense a diverses dificultaes: los efeutos a llargu plazu de la perda de los padres; na tercer temporada, l'intentu de Bailey por recuperase del alcoholismu; na cuarta, el diagnósticu de Charlie con cáncer; y na quinta, Julia enfrentándose a la violencia doméstica nuna rellación.^[1]

A midida que avanza la serie, les rellaciones romántiques conviértense en parte de la trama y xúnense nuevos personaxes al repartu, como Jennifer Love Hewitt como Sarah, la novia de Bailey; Jeremy London como Griffin, el "mal rapaz" y más tarde maríu de Julia; y Paula Devicq como Kirsten, la neñera d'Owen, que desarrolla una rellación intermitente con Charlie a lo llargo de la serie, hasta que casen na sesta y última temporada.

Referencies

1 2 «Party Of Five Fares Better Than 'On Our Own'». Chicago Tribune. 12 de setiembre de 1994. https://www.chicagotribune.com/1994/09/12/family-matters-25/. Consultáu'l 2 de xineru de 2020.
↑ (2007) TV Guide Book of Lists, páx. 212. ISBN 978-0-7624-3007-9.
↑ Vineyard, Jennifer (3 de setiembre de 2014). «'Everybody Wants to Live': An Oral History of Party of Five's First Season» (inglés). Consultáu'l 26 de xunu de 2022.
↑ VanDerWerff, Emily (22 de xunetu de 2013). «Party Of Five is the great forgotten drama of the '90s». The A.V. Club. Archiváu dende l'orixinal, el 27 de marzu de 2016. Consultáu'l 6 d'ochobre de 2019.

Enllaces esternos

[Chicago_Tribune-1] 1 2 «Party Of Five Fares Better Than 'On Our Own'». Chicago Tribune. 12 de setiembre de 1994. https://www.chicagotribune.com/1994/09/12/family-matters-25/. Consultáu'l 2 de xineru de 2020.

[2] (2007) TV Guide Book of Lists, páx. 212. ISBN 978-0-7624-3007-9.

[:0-3] Vineyard, Jennifer (3 de setiembre de 2014). «'Everybody Wants to Live': An Oral History of Party of Five's First Season» (inglés). Consultáu'l 26 de xunu de 2022.

[AV_Club-4] VanDerWerff, Emily (22 de xunetu de 2013). «Party Of Five is the great forgotten drama of the '90s». The A.V. Club. Archiváu dende l'orixinal, el 27 de marzu de 2016. Consultáu'l 6 d'ochobre de 2019.

[1]

[2]

[3]

[4]