Partíu Socialista Llibre Federación

De Wikipedia
Saltar a navegación Saltar a la gueta
Partíu Socialista Llibre Federación
Secretaría xeneral Carlos Martínez
Fundación 2018
Estáu Flag of Spain.svg España
Ideoloxía política socialismu democráticu, republicanismu, federalismu, esquierda política
Páxina web partidosocialistalibrefederacion.com
Cambiar los datos en Wikidata

El Partíu Socialista Llibre Federación (PSLF) ye un partíu políticu d'España que defende como ideoloxía'l socialismu democráticu y el republicanismu federal. Considérase socesor del Partíu Socialista Federal, una dixebra del PSOE pol sofitu de Felipe González a la OTAN[1]. Foi fundáu en 2018 pola xunión de distintes dixebres pola esquierda del PSOE , anque tamién cunta con persones que provienen d'otros ámbitos de la esquierda, como Izquierda Xunida[2][3].

Ideoloxía[editar | editar la fonte]

El PSLF defínese como un partíu socialista, herederu de la tradición de Pablo Iglesias Posse, fundador del PSOE. Ente les sos referencies ideolóxiques actuales citen a Bernie Sanders, Jeremy Corbyn y organizaciones como DSA. Considérense un partíu de clase, republicanu, y qu'aspira a aunir a toles corrientes del socialismu, considerando que, anguaño, el PSOE alloñóse de les clases trabayadores. El partíu afirma tamién qu'España ye una realidá plurinacional, y defende un modelu d'estáu republicanu y federal[1]

Estructura[editar | editar la fonte]

El secretariu xeneral del partíu ye Carlos Martínez, quien fuera presidente de Attac España y primer secretariu del partíu Construyendo la Esquierda-Alternativa Socialista. La mayoría de la so estructura provien de distintes dixebres del PSOE que converxeron nesti proyeutu. Dalgunos d'estos grupos incorporáronse al proyeutu inclusive dempués de presentase a les elecciones municipales en solitariu, llogrando grupu propiu, como Socialistes por Cacabelos , na provincia de Llión.[4] N'asturies tien un conceyal, José Castañón, nel conceyu d'Ayer, que foi elexíu pola coalición Xuntes por Ayer (PSLF-Podemos)[5].

Referencies[editar | editar la fonte]

Enllaces esternos[editar | editar la fonte]