Parque Históricu del Navia

De Wikipedia
Saltar a navegación Saltar a la gueta

El Parque Históricu del Navia ye un proyectu territorial nacíu del alcuerdu robláu en xunetu de 2005 ente'l Presidente del Principáu d'Asturies, Vicente Álvarez Areces, y los alcaldes de los conceyos qu'integren la contorna del valle del ríu Navia: Boal, Coaña, El Franco, Grandas de Salime, Eilao, Navia, Pezós, Tapia de Casariego y Villayón, coles mires d'ufiertar un productu cultural y turístico basáu na esplotación conxunta de los recursos allugaos nos citaos conceyos. Col Parque Históricu del Navia aspirar a conformar un espaciu rural sostenible basáu nel meyor aprovechamientu de tolos recursos endóxenos esistentes.

Itinerarios temáticos[editar | editar la fonte]

El Parque Históricu del Navia cunta con tres puertes d'entrada: una, en Veiga, nel conceyu de Navia; otra, en Grandas de Salime (nel castru del Chao Samartín), y la tercera, en Tapia de Casariego. D'esta manera, introduzse simbólicamente al visitante en trés distintos percorríos temáticos propuestos:

  • Los primeres pobladores: un percorríu que parte de la puerta grandalesa p'amosar construcciones megalítiques, castros y esplotaciones auríferas, etc., dalgunes de les buelgues más antigües del home na contorna.
  • El señores de casar palaciu: un percorríu que parte de la puerta tapiega, llevando al visitante por palacios construyíos dende la Edá Media hasta'l sieglu XIX, y que dan bona cuenta de los sistemes señoriales d'esplotación de les tierres y de les téuniques constructives d'esa dómina.
  • Hestories del mar: un percorríu qu'empieza en Veiga, y ta amestáu al mar, a los puertos, les sableres, los ríos, averándonos a la manera de vida de marinos y cazadores de ballenes, de families que la so fonte de sustentu foi'l mar.

Enllaces esternos[editar | editar la fonte]

Páxina web de la Fundación Parque Históricu del Navia

Parque Histórico del Navia