Inocenciu I

De Wikipedia
(Redirixío dende Papa Inocenciu I)
Inocenciu I
40. Papa

402 - 12 marzu 417 (Gregorianu)
Anastasiu I - Papa Zósimu
Vida
Nacimientu Albano Lazialesieglu de IV[1]
Muerte Roma12 de marzu de 417[2]
Sepultura Stiftskirche St. Anastasius und St. Innocentius (en) Traducir
Familia
Padre Anastasiu I
Oficiu sacerdote católicu
Llugares de trabayu Roma
Santoral
12 de marzu y 28 de xunetu
Creencies
Relixón Ilesia Católica[3]
Cambiar los datos en Wikidata

Inocencio I (sieglu de IVAlbano Laziale – 12 de marzu de 417Roma) foi'l papa nᵘ 40 de la Ilesia católica ente 401 y 417.

Yera natural d'Albano. Según el so contemporaneu, Jerónimo de Estridón, yera fíu del papa anterior, Anastasio I, probablemente l'únicu casu na historia en qu'un fíu asocede al so padre nel papáu.[4] Foi escoyíu'l 22 d'avientu de 401. Ordenó que tolos casos graves teníen que ser revisaos por él y nos demás acutábase'l derechu a intervenir. Exerció esti derechu en munches cuestiones diverses, especialmente naquelles rellacionaes coles celebraciones llitúrxiques.

El so gran amigu Juan Crisóstomo foi espulsáu como Patriarca de Constantinopla por cuenta d'hostilidaes personales cola emperatriz Elia Eudoxia y les intrigues de Teófilo de Alejandria. Inocencio I intervieno pa reintegrarlo a la so sede.

Enfrentóse firmemente a Pelagio y al pelagianismo, con tanta autoridá y decisión que Agustín d'Hipona, cuando lo supo, pronunció aquella famosa frase que aportó a un refrán: Roma locuta, causa finita ("Cuando Roma faló, la causa ta terminada"). Tamién condergó'l priscilianismo.

El 24 d'agostu de 410 el rei visigodu, Alarico, conquistó y escaló a Roma. Inocencio nun s'atopaba na ciudá, sinón que taba na corte imperial en Rávena tratando de faer negociaciones con Alarico. Cuando tornó a Roma fixo lo posible por reparar los daños fechos polos godos.

Morrió'l 12 de marzu de 417, polo que la so festividá celébrase dichu día, anque dende'l sieglu XIII hasta'l sieglu XX, conmemorábase'l 28 de xunetu.[5] El so socesor foi Zósimo.

Referencies[editar | editar la fonte]

  1. Identificador de referencia de idRef SUDOC: 026659484.
  2. Afirmao en: Find a Grave. Data de consulta: 30 agostu 2019. Llingua de la obra o nome: inglés.
  3. Afirmao en: Catholic-Hierarchy.org. Identificador Catholic Hierarchy de persona: innocnt. Data de consulta: 19 ochobre 2020. Llingua de la obra o nome: inglés.
  4. http://www.santiebeati.it/dettaglio/64800
  5. Calendarium Romanum (Libreria Editrice Vaticana, 1969), p. 132; Martyrologium Romanum (Libreria Editrice Vaticana, 2001 ISBN 978-88-209-7210-3)

Enllaces esternos[editar | editar la fonte]


Predecesor:
Anastasiu I
Emblema del Papáu
Emblema del Papáu
Papa

401 - 417
Socesor:
Papa Zósimu