Pandinus imperator

Pandinus imperator; escorpión emperador
Clasificación científica
Reinu:	Animalia
Filu:	Arthropoda
Subfilu:	Chelicerata
Clas:	Arachnida
Orde:	Scorpiones
Familia:	Scorpionidae
Xéneru:	Pandinus
Especie:	P. imperator; Koch, 1841
Consultes
	[editar datos en Wikidata]

L'escorpión emperador^[1] (Pandinus imperator) ye una especie del orde Scorpiones que pertenez a la familia Scorpionidae.^[2]

Descripción

Ye unu de los escorpiones más grandes del mundu y vive ente 6 a 8 años. El so cuerpu ye escuru, con tonos que van dende'l verde y azul escuro hasta café o negru. Mide aproximao 21 centímetros de llargu y pesa 30 gramos. Sicasí, delles especies d'escorpiones forestales similares como'l Heterometrus swammerdami tien el récor de ser l'escorpión más grande del mundu con 23 centímetros y confundense de cutiu.^[3] Foi descritu per primer vegada pol entomólogu alemán Carl Ludwig Koch en 1841.

Caltenimientu y l'impautu humanu

L'escorpión emperador ye una especie bien popular nel comerciu de mascotes, lo cual lleváu a tal nivel de captura na naturaleza que la especie atópase anguaño incluyida nel apéndiz segundu del CITES.^[4]

Alimentación y hábitat

Habiten en desiertos y selves tropicales d'África Occidental. Sotiérrense debaxo del suelu o s'escuenden so roques o escombros. La so alimentación compónse principalmente de diversos artrópodos como cucaraches, arañes, escarabayos, grillos, y n'ocasiones pequeños mures y llagarteses. Les preses son espeñicaes colos quelíceros en totalidá pa que el escorpión pueda absorber la papiella resultante, el procesu d'alimentación suel riquir delles hores.

Picadura

La picadura del escorpión emperador pue clasificarse como leve, similar a la de les abeyes. Na mayoría de los casos les persones nun se ven afeutaes pola picadura del escorpión emperador, pero pue afectar a persones alérxiques o con enfermedaes presentes.

Referencies

↑ URL de la referencia: http://www.sabencia.net/nomenclator.php.
↑ http://www.angelfire.com/mo2/animals1/scorpion/empscorp.html
↑ «Emperor scorpion (Pandinus imperator)» (inglés). Arkive.org. Archiváu dende l'orixinal, el 2013-09-21. Consultáu'l 19 de mayu de 2014.
↑ «Pandinus imperator» (inglés). CITES species database. Consultáu'l 19 de mayu de 2014.

[25371c05886d508f0bd3b89319c1e188ec3c8883-1] URL de la referencia: http://www.sabencia.net/nomenclator.php.

[2] ttp://www.angelfire.com/mo2/animals1/scorpion/empscorp.html

[3] «Emperor scorpion (Pandinus imperator)» (inglés). Arkive.org. Archiváu dende l'orixinal, el 2013-09-21. Consultáu'l 19 de mayu de 2014.

[4] «Pandinus imperator» (inglés). CITES species database. Consultáu'l 19 de mayu de 2014.

[1]

[2]

[3]

[4]