Palaciu del Rebollín

De Wikipedia
Saltar a navegación Saltar a la gueta
Palaciu del Rebollín
palaciu
Palacio del Rebollín o de los Llanes.jpg
Llocalización
Cambiar los datos en Wikidata

El palaciu del Rebollín ye un palaciu rural español asitiáu na llocalidá asturiana de Noreña.

Nel altu del Rebollín alcuéntrase la casa-palaciu del Rebollín. El so orixe data de los sieglos XVI y XVII y agospió a les grandes families asturianes como los Argüelles, los Llanu o los Quirós, ente otres. La fachada principal, el sur, queda abierta al paisaxe por dos arcos ximielgos de mediu puntu sobre impostes llises, que dan pasu al ampliu estragal, que comunica de la mesma direutamente col patiu central, la escalera y el xardín que vamos mentar dempués. Otra imposta llisa y corrida a lo llargo de la fachada dixebra la planta baxa de la cimera, que tien cinco balcones, con barandielles de fierro forxáu, siendo común el correspondiente a los balcones centrales, que faen xuegu colos vanos de la planta baxa. A los llaos de los balcones centrales, les armes de la casa —Argüelles y Quirós— en bien llabraos escudos.

La fachada oeste, pensada pa un xardín de recréu, tien seis balcones na so planta alta, correspondientes coles ventanes de la planta baxa, sacante al suroeste, onde se repiten otru par d'arcos de mediu puntu, concebíos pa dar vista al xardín que dan pasu a un pequeñu estragal que se comunica, como diximos, col d'entrada. Al fondu del xardín elévase, anque con daños dende la guerra civil, una torre palombar de planta cuadrada, edificiu enforma raru n'Asturies, de baxu y dos pisos, abiertu aquél n'ampliu arcu de mediu puntu sobre impostes llises, nel llau frontero al palaciu, y que tien accesu pol primer pisu per una escalera volada sostenida por una semicolumna ochavada, amestada al muru norte. Esta construcción tien escasos exemplos na nuesa rexón, y fai pensar nun arquiteutu conocedor de modelos foranos, especialmente franceses.

Se trata de una de las mejores construcciones palaciegas asturianas concebido en un espacio abierto. Se trata de un edificio de planta rectangular formado por el bajo y un piso, con galería adintelada sobre columnas, y de una monumental escalera. En dicha estructura se ha aprovechado una edificación anterior, de finales del siglo XVII, de la que aún se conserva su puerta principal, de acodadas molduras, en el amplio zaguán de la fachada S. El exterior de sencilla monumentalidad, que contrasta con el interior, obedece ya a módulos neoclásicos, en el que sólo la socesión de los vanos, de lisa marcación de piedra, rompe la uniformidad de de los parámetros de mampostería, logrando un expresivo efecto de claroscuro.

Emilio Marcos Vallaure[1]

Na fachada norte alcuéntrase una inscripción que noma al primer señor del palaciu: «Esta obra fíxose por cuenta de D. Menendo de Llanes Cienfuegos Campumanes y Argüelles. Añu 1795».[2]

Nel interior, el patiu abiertu tien planta cuadrada con dolce columnes clásiques de raigañu toscanu, cuatro per cada llau, esculpíes en piedra arenisca. Nel llau norte hai un estragal que s'abre al patiu por una triple arcada. El pisu cimeru cuenta con un corredor de madera en bastante bon estáu. Na primera planta atopamos con un pequeñu oratoriu, sobre que'l so altar hai un Cristu de metal y delles imáxenes ente les que destaca la de la Virxe de Cuadonga. Foi casa d'Alonso Marcos de Llanes Argüelles, arzobispu de Sevilla na dómina de Carlos III.

Referencies[editar | editar la fonte]

  1. Véase en: http://dialnet.unirioja.es/servlet/aleaut?codigo=888690 (en español) URL accedida el 22/05/2007.
  2. D. Menendo era nieto de D.ª Teresa de Argüelles y Gonzalez de Villazón (1709-1740), que pol so casamientu con D. Menendo de Llanes Campomanes y Avilés (1690-1766), señor de les cases del Fresnu y de Muñón Cimero (Ḷḷena), tresmitió a esta familia el so solar de Noreña.