Palaciu de los García de Tinéu

Coordenaes: 43°20′06″N 6°24′56″W / 43.33511°N 6.41544°O / 43.33511; -6.41544
De Wikipedia
Palaciu de los García de Tinéu
Bien d'Interés Cultural
palaciu y monumentu
Llocalización
País España
Autonomía Principáu d'Asturies
Provincia provincia d'Asturies
Conceyu Tinéu
Coordenaes 43°20′06″N 6°24′56″W / 43.33511°N 6.41544°O / 43.33511; -6.41544
Palaciu de los García de Tinéu alcuéntrase n'Asturies
Palaciu de los García de Tinéu
Palaciu de los García de Tinéu
Palaciu de los García de Tinéu (Asturies)
Patrimoniu
BIC RI-51-0010811[1]
Cambiar los datos en Wikidata

El Palaciu de los García de Tinéu o de los Maldonado, ye una de les construcciones más destacaes de la villa de Tinéu y un de los pocos exemplos d'arquiteutura civil gótica n'Asturies.

Palaciu[editar | editar la fonte]

El palaciu asítiase en plenu cascu históricu de la capital tinetense, nel númberu 25 de la cai Mayor, na redolada de la ilesia del antiguu conventu de San Francisco (güei ilesia parroquial de San Pedro) y del edificiu del Palaciu de Xusticia.

El Palaciu foi edificáu en 1520, según consta na inscripción d'un de los sos escudos (“Juan García de Tinéu me fecit anno domini....XXX”), y darréu remocicáu, a mediaos del sieglu XVII o empiezos del XVIII, de tala forma que nun ye posible precisar cuál yera la so disposición orixinal. Na so fachada, d'estética góticu-renacentista, ábrese la puerta d'entrada, con un gran arcu apuntáu[n 1] d'amplies doveles[n 2]. Sobro ella alcuéntrense los escudos de los Tinéu y de los Maldonado ya una ventana xeminada de gustu renacentista, formada por dos arcos de mediu puntu, columna central y cortines tallaes embaxo los arcos. Ta enmarcada con alfiz[n 3] ya moldures de boles. D'época barroca son los balcones, con poyales de moldures y antepechos de fierru. El Palaciu de los García de Tinéu (una de les contaes muestres dexaes pola arquiteutura civil gótica d'Asturies), sigue'l modelu tipolóxicu, bien estendíu n'Asturies, de los palacios llevantaos a partir d'una torre defensiva de dómina medieval.

Puerta, escudos ya ventana xeminada.

Nel costáu nordés, llevántase una torre circular, d'unos 12 m² de planta y 8 m d'altor. Esta torre, quiciabes del sieglu XIV, ta nel orixe de la edificación del palaciu.

Esti palaciu, xunto col cercanu de Merás datáu en 1525, constitúin les casones señoriales más antigües que caltién la villa de Tinéu.

El palaciu de los García de Tinéu, foi declaráu pol Principáu d'Asturies, Bien d'lnterés Cultural con categoría de Monumentu, por Decretu 73/2004, de 16 de setiembre.

Torre.

Bibliografía[editar | editar la fonte]

  • Florencio Cobo Arias, Matilde Zarracina Valcarce y Miguel Cores Rambaud: Guía básica de monumentos asturianos. Serviciu de Publicaciones del Principáu d'Asturies. 1987.
  • Germán Ramallo Asensio: Arquitectura Señorial del Norte de España. Universidá d'Uviéu. 1993.
  • Germán Ramallo Asensio: La zona suroccidental asturiana: Tineo, Cangas del Narcea, Allande, Ibias y Degaña. Revista Liño nº 2. Universidá d'Uviéu. 1981.

Notes[editar | editar la fonte]

  • Esti artículu ye una obra derivada de la disposición relativa al procesu de declaración d'un bien cultural o natural, asoleyada nel BOPA númberu 235, d'ocho d'ochobre de 2004, testu que ta llibre de restricciones conocíes, en virtú del derechu d'autor de conformidá col artículu 13 del Testu Refundíu de la Llei de Propiedá Intelectual (BOE númberu 97, de 22 d'abril de 1996).
  1. Arcu apuntáu: Arcu compuestu de dos tramos d'arcu que formen ángulu na cuña central.
  2. Dovela: Piedra llabrada que tien forma de cuña truncada, que xunto con otres acolliñaes radialmente, formen la vuelta d'un arcu.
  3. Alfiz: Marcu qu'arrodia l'esterior d'un arcu.

Referencies[editar | editar la fonte]

Enllaces esternos[editar | editar la fonte]