Palaciu Nacional (Méxicu)

Palaciu Nacional (Méxicu)
	palaciu, political institution (en) , muséu y atraición turística
Llocalización
País	Méxicu
Federative entity of Mexico (en)	Ciudá de Méxicu
Coordenaes	19°25′57″N 99°07′53″W / 19.4325°N 99.1314°O
	Palaciu Nacional (Méxicu) Palaciu Nacional (Méxicu) (Méxicu)
Historia y usu
Apertura	1522
Usu	residencia oficial
Usuariu	presidente de Méxicu
Arquiteutura
Materiales	cantera (en) , tezontle (en) y caliar
Estilu	barrocu
	Web oficial

El Palaciu Nacional ye la sede del gobiernu federal executivu en Méxicu. Dende 2018 sirve tamién como residencia oficial del Presidente de Méxicu. Ta asitiáu na plaza principal de Ciudá de Méxicu, la Plaza de la Constitución (El Zócalo). Esti llugar foi palaciu de la clas gobernante de Méxicu dende l'Imperiu Azteca, y bona parte de los materiales del palaciu actual proceden del orixinal que pertenecía al líder del sieglu XVI Moctezuma II.

Descripción

Usáu y clasificáu como edificiu gubernamental, el Palaciu Nacional, cola so fachada colorada de tezontle,^[1] ocupa tol llau este del Zócalo,^[2] midiendo más de 200 m de llargu.^[3] Abelluga dalgunes de les oficines de la Facienda Federal y l'Archivu Nacional.^[2]

La fachada ta llindada al norte y al sur por dos torres y inclúi tres puertes principales, cada una de les cuales lleva a una parte distinta del edificiu.^[1] La puerta sur lleva al Patiu d'Honor y a les oficines presidenciales (ensin accesu públicu).^[2] La puerta norte conozse como la Puerta Mariana, nomada n'honor de Mariano Arista, que la mandó construyir en 1850. La zona xunto a esta puerta solía ser la antigua prisión del tribunal, con sales de xuiciu y cámares de tortura. Anguaño ta ocupada pola Secretaría de Finaces. Contién la Sala de la Facienda, construyida polos arquiteutos Manuel Ortiz Monasterio y Vicente Mendiola. La puerta de fierro y bronce ye obra d'Augusto Petriccioli.^[1]

Enriba de la puerta central, frente al Zócalo, ta'l balcón principal onde poco antes de les 11 de la nueche del 15 de setiembre, el presidente de Méxicu glaya'l Gritu de Dolores, nuna ceremonia pa conmemorar la Independencia de Méxicu. Parte d'esta ceremonia inclúi tocar la campana que cuelga enriba del balcón. Esta campana ye la orixinal que'l padre Miguel Hidalgo tocó pa llamar a la rebelión contra España. En principiu colgaba na ilesia de Dolores Hidalgo, Guanajuato, pero foi treslladada equí. Na fornica que contién la campana ta l'Escudu de Méxicu. A cada llau hai un guerreru águila azteca y el so equivalente español. Fueron esculpíos por Manuel Centurión y simbolicen l'amestanza de la cultura mexicana y la española.^[1]

Referencies

1 2 3 4 Galindo, Carmen; Galindo (2002). Mexico City Historic Center. Ciudá de Méxicu: Ediciones Nueva Guia. ISBN 968-5437-29-7.
1 2 3 Noble, John (2000). Lonely Planet Mexico City. Oakland, California: Lonely Planet Publications. ISBN 1-86450-087-5.
↑ «Mexico City - National Palace». Consultáu'l 22 de setiembre de 2008.

Enllaces esternos

Páxina web oficial (en castellanu)

[historic-1] 1 2 3 4 Galindo, Carmen; Galindo (2002). Mexico City Historic Center. Ciudá de Méxicu: Ediciones Nueva Guia. ISBN 968-5437-29-7.

[lonely-2] 1 2 3 Noble, John (2000). Lonely Planet Mexico City. Oakland, California: Lonely Planet Publications. ISBN 1-86450-087-5.

[planetware-3] «Mexico City - National Palace». Consultáu'l 22 de setiembre de 2008.

[1]

[2]

[3]