Paco Menéndez

Paco Menéndez
Vida
Nacimientu	Avilés, 1965
Nacionalidá	España
Muerte	Sevilla, 1999 (33/34 años)
Causa de la muerte	suicidiu
Estudios
Estudios	Universidá Politéunica de Madrid telecommunications engineering degree (en)
Llingües falaes	castellanu
Oficiu
Oficiu	inxenieru de telecomunicación, desarrollador de software, programador de videoxuegos
Trabayos destacaos	Fred; Sir Fred; La abadía del crimen

Francisco Menéndez González (1965, Avilés – 1999, Sevilla), conocíu como Paco Menéndez, inxenieru de telecomunicación pola Universidá Politéunica de Madrid, foi un desarrollador de videoxuegos asturianu. Mientres la so trayeutoria profesional, trabayó pa les compañíes españoles Indescomp, Made in Spain y Opera Soft.

Mientres la so vida desenvolvió los videoxuegos Fred, Sir Fred y La abadía del crimen.

Biografía

Formación

El so primer contautu cola programación foi'l llinguaxe BASIC. Aprendió a programar con quince años, al traviés d'un Commodore PET, cuando cursaba 2ᵘ de BUP n'unu de los primeros institutos d'España qu'incorporó la informática a les sos aules. Francisco dedicó una bona parte del so tiempu a programar, una de les sos principales aficiones.

Creación de La abadía del crimen

Paco siempres quixera diseñar un videoxuegu en tres dimensiones, alloñáu de los tópicos d'entós y nel qu'hubiera que pensar, anque ensin llegar a un manexu complicáu. En lleendo'l llibru d'Umberto Eco, El nome de la rosa, diose cuenta de que yera una hestoria lo suficientemente complexa y que se trataría d'un bon argumentu pa un xuegu.

Entós daquella, Paco formaba parte de Made in Spain, anque decidieren que cada unu trabayaría d'una manera más independiente. Más tarde llegaría la separación definitiva, y Francisco decidió trabayar xunto con Juan Delcán, un estudiante d'arquiteutura y amigu de la infancia, qu'a pesar de nun saber nada de programación, realizó'l diseñu de l'abadía y de toles pantalles de xuegu.

El desenvolvimientu del xuegu al completu duró catorce meses. Dempués d'esi agotador trabayu inda nun se decidiera'l nome del xuegu, asina que Francisco intentó pone-y a la so creación El nome de la rosa, la obra na que s'inspirara. Al nun llograr respuesta Francisco llamó a la so obra La abadía del crimen, como homenaxe a la novela.

Retiru y muerte

Dempués de faer el xuegu y desilusionáu col aldu que coyía la industria del videoxuegu, Paco Menéndez decidió estremase de la programación de videoxuegos. Siguió dedicándose al desenvolvimientu d'aplicaciones informátiques y empezó a pensar nun nuevu proyeutu, que denominó «Memoria matricial intelixente» (PALOMA) basada na idea de que la memoria, amás d'almacenar datos pudiera executar instrucciones de manera simultánea, lo que supondría una alta paralelización a baxu costu.

En 1999, y con tan solu trenta y cuatro años, Paco Menéndez suicidóse en Sevilla.^[1]

Reconocencies

En 2017, Correos d'España emitió una fueya de sellos dedicada a La abadía del crimen.^[2]^[3]

El 17 de payares de 2017 inauguróse nel Muséu Históricu de la Informática de la Universidá Politéunica de Madrid una esposición titulada «El llau humanu del videoxuegu», pa conmemorar el 30ᵘ aniversariu del xuegu La abadía del crimen.^[4]^[5]

Dende marzu de 2019, el Muséu Históricu de la Informática de la Escuela Técnica Superior d'Inxenieros Informáticos de la UPM entrega un premiu venceyáu al desenvolvimientu de videoxuegos ente estudiantes d'educación secundaria, que lleva'l nome de «Menéndez - Delcán» n'honor a Paco Menéndez y Juan Delcán.^[6]

Referencies

↑ Fernando del Bustu (8 d'agostu de 2010). «L'adelantráu de los videoxuegos». La Voz de Avilés. https://www.elcomercio.es/v/20100808/aviles/adelantado-videojuegos-20100808.html.
↑ «Ya puedes conseguir los sellos de Correos de La Abadía del Crimen» (castellanu). Consultáu'l 22 de marzu de 2019.
↑ MB, Frankie (26 d'abril de 2017). «Correos celebrará el 30ᵘ aniversario de La Abadía del Crimen emitiendo un sello con misterios incluidos» (castellanu). Consultáu'l 22 de marzu de 2019.
↑ «Visitamos 'La abadía del crimen. El lado humano del videojuego'; el último reconocimiento a una obra atemporal» (castellanu). Archiváu dende l'orixinal, el 22 de marzu de 2019. Consultáu'l 22 de marzu de 2019.
↑ vrutal.com (27 de xineru de 2014). «Repaso a La abadía del crimen, clasicazo español del videojuego.» (castellanu). Consultáu'l 22 de marzu de 2019.
↑ «Concurso de videojuegos Menéndez y Delcán» (castellanu).

Enllaces esternos

[adelantráu-1] Fernando del Bustu (8 d'agostu de 2010). «L'adelantráu de los videoxuegos». La Voz de Avilés. https://www.elcomercio.es/v/20100808/aviles/adelantado-videojuegos-20100808.html.

[2] «Ya puedes conseguir los sellos de Correos de La Abadía del Crimen» (castellanu). Consultáu'l 22 de marzu de 2019.

[3] MB, Frankie (26 d'abril de 2017). «Correos celebrará el 30ᵘ aniversario de La Abadía del Crimen emitiendo un sello con misterios incluidos» (castellanu). Consultáu'l 22 de marzu de 2019.

[4] «Visitamos 'La abadía del crimen. El lado humano del videojuego'; el último reconocimiento a una obra atemporal» (castellanu). Archiváu dende l'orixinal, el 22 de marzu de 2019. Consultáu'l 22 de marzu de 2019.

[5] vrutal.com (27 de xineru de 2014). «Repaso a La abadía del crimen, clasicazo español del videojuego.» (castellanu). Consultáu'l 22 de marzu de 2019.

[6] «Concurso de videojuegos Menéndez y Delcán» (castellanu).

[1]

[2]

[3]

[4]

[5]

[6]