Pablo Vaquero

Pablo Vaquero
Vida
Nacimientu	Uviéu, 1966 (57/58 años)
Nacionalidá	España
Estudios
Llingües falaes	castellanu
Oficiu	periodista

Pablo Martínez Vaquero (1966, Uviéu) ye un periodista español n'activu. Dende 2001 ye redactor y presentador de los Servicios Informativos del Centru Territorial de Televisión Española (TVE) d'Asturies. Mientres les décades de los años 80 y 90 trabayó en delles cadenes de radio y televisión rexonales y estatales amás d'en redacciones de diarios asturianos como La Voz de Asturias o La Nueva España, ente otres publicaciones y periódicos. Espertu en deportes y especializáu en fútbol trabayó como periodista deportivu pa delles publicaciones y el programa de Radio Nacional d'España (RNE) y Radio Esterior d'España (REE) “Tableru Deportivu” so la direición de Juan Manuel Gozalo. Cursó estudios de Periodismu Audiovisual nel Institutu Oficial de Radio y Televisión de Madrid y la carrera de Xeografía y Hestoria na so Asturies natal. Escribe pa publicaciones culturales y musicales. Na so mocedá foi redactor de dellos "fanzines undergrounds" y guitarrista y vocalista del grupu d'estilu mod años 60 Los Esperteyos. Ye autor de los llibros “Leitmotiv” (Ed. Charada, 1996) y “¡Agora!, non mañana” (Editorial Mileniu, Lérida, 2009).

Referencies[editar | editar la fonte]