Pablo Rodríguez Alonso

Pablo Rodríguez Alonso
Vida
Nacimientu	Xixón, 1979 (45/46 años)
Nacionalidá	España
Estudios
Estudios	Universidá d'Uviéu
Llingües falaes	castellanu asturianu
Oficiu
Oficiu	escritor, profesor

Pablo Rodríguez Alonso (1979, Xixón) ye un escritor y profesor d'historia asturianu, llicenciáu n'Historia pola Universidá d'Uviéu.

Biografía

Algamó dellos accésit y quedó finalista en dalgunos concursos lliterarios, escribiendo en castellanu y n'asturianu. Nel 2005 gana'l V Certamen Cultural Jóvenes Artistas na modalidá d'ensayu cola obra Idioma, nacionalidad y conflicto, en castellán.

Esi mesmu añu algama'l XV Premiu Teodoro Cuesta de Poesía col poemariu La lluz del nordés, obra na que'l poeta fala del pasu del tiempu, de la neñez, del amor y de la patria.

Nel 2006 algama'l XV Concursu de Cuentos Curtios de la tertulia Cultural “El Garrapiellu” y en 2012 el Premiu Críticu de les Lletres Asturianes na modalidá d'Ensayu, pol so trabayu De totalitarios a demócrates. Franquismu, fascismu y nazismu na II Guerra Mundial al traviés del diariu xixonés «Voluntad» . En 2014 algamó'l premiu del XVII Concursu de Cuentos pola Oficialidá del Asturianu, qu'entama'l Conceyu de Bimenes, cola obra titulada L'invitáu .

Esti escritor tamién participa en revistes lliteraries como Lliteratura o Formientu.

Obra asoleyada

Poesía

• La lluz del nordés. Premiu Teodoro Cuesta. (Editorial Trabe, 2006).
• Palabres d'un tiempu. Premiu Nené Losada Rico, 2010. (Editorial Trabe, 2011).

Investigación histórica

• De totalitarios a «demócrates». XII Premiu d'investigación y divulgación «Rosario de Acuña». (Editorial Zahorí, 2011).

Enllaces esternos

• Datos: Q20605458