Pablo Fernández Muñiz

De Wikipedia
Saltar a navegación Saltar a la gueta
Pablo Fernández MuñizPicto infobox character.png
PabloFernandezMuniz1.jpg
Coat of Arms of Asturias.svg
Conseyeru de Sanidá del Principáu d'Asturies

2019 -
Vida
Nacimientu

Avilés1966

(55/56 años)
Nacionalidá Flag of Spain.svg España
Estudios
Estudios Universidá d'Uviéu
Llingües falaes castellanu
Oficiu médicupolíticu
Cambiar los datos en Wikidata

Pablo Ignacio Fernández Muñiz (1966Avilés) ye un médicu y políticu asturianu, actual conseyeru de sanidá d'Asturies[1].

Biografía[editar | editar la fonte]

Estudió la llicenciatura de medicina na Universidá d'Uviéu, especializándose en ciruxía. Les sos primeres ocupaciones fueron como médicu d'accidentes na mina de Tormaleo y nel serviciu d'Urxencies d'Atención Primaria d'Avilés. En cursando'l MIR na especialidá de Ciruxía xeneral y del aparatu dixestivu, incorporóse al Hospital Universitariu Central d'Asturies, onde trabayó dende 1992 hasta 1996 y onde llogró una beca de l'Asociación Española de Ciruxanos pa formación específica en Ciruxía hepato-bilio-pancreática. Tamién exerció como ciruxanu nel Hospital Valle del Nalón (1997-2010) y nel Hospital San Agustín hasta 2016.

Ocupó tamién el cargu de direutor dela Área IV del Serviciu de Salú del Principáu d'Asturies (SESPA), qu'inclúi la xestión del Hospital Monte Naranco y l'Hospital Universitariu Central d'Asturies (HUCA). Ye miembru del Comité de Bioética d'España y del Comité Científicu de la Sociedá Internacional de Bioética (SIBI) y Máster d'Especialización en patoloxía mamaria de la Universidá Autónoma de Madrid. Ye espertu en ciruxía oncoplástica y reconstructiva de la mama, especialista n'ecografía mamaria, máster en Bioética poles Universidaes del País Vascu, Zaragoza, La Laguna, Les Palmes de Gran Canaria y Rovira i Virgili, máster en Direición y Alministración d'Empreses pola Universidá Camilo José Cela, y máster en Direición y Alministración d'Empreses (MBA) y especialidá en Xestión Sanitaria por IMF Business School.

Referencies[editar | editar la fonte]

Enllaces esternos[editar | editar la fonte]


Predecesor:
Francisco del Busto de Prado
Conseyeru de Sanidá d'Asturies
2019 -
Socesor:
Nel cargu