Oviedo Club Baloncesto

De Wikipedia
Saltar a navegación Saltar a la gueta
Datos xenerales
Nome completu Real Oviedo S. A. D.
Unión Financiera Baloncesto Oviedo
Fundación 2004
Presidente Fernando Villabella
Entrenador Javi Rodríguez
Instalaciones
Estadiu Polideportivo Luis Riera Posada
Allugamientu Calle Palmira Villa González-Río
Uviéu, Asturies
Capacidá 1500
Uniforme
Cabera temporada
Lliga LEB Oru
(2017/18)
Títulos(per cabera vegada en 2014/15)
Copa Copa Princesa d'Asturies
(2016/17) Campeón
Sitiu web oficial
[editar datos en Wikidata]

L'Uviéu Club Baloncestu (oficialmente en castellanu Oviedo Club Baloncesto), anguaño denomináu Liberbank Oviedo Baloncesto por motivos de patrociniu (hasta la temporada 2017/18 Unión Financiera Baloncesto Oviedo), ye un equipu de baloncestu con sede n'Uviéu, Asturies. Anguaño compite na LEB Oru , la segunda categoría del baloncestu español.

Historia[editar | editar la fonte]

Partíu contra'l Ferrol CB correspondiente a la Lliga EBA 2009/10, nel polideportivu de Pumarín.

El club foi fundáu en 2004 como herederu del anterior club de la ciudá, el Club Baloncestu Vetusta. Na temporada 2004/05 empezó xugando na lliga EBA, anque esa mesma temporada baxó al campeonatu d'España de primer división masculina. Namái permaneció nesa división un añu, pos volvió a la lliga EBA en quedando en primer posición con un balance de 27 victories y nenguna derrota.

Na temporada 2006/07 quedó en primer posición del so grupu, lo que-y valió para metese na fase final d'ascensu, na que fueron esaniciaos n'octavos de final pel Ciudá Torrealta. Na temporada siguiente volvió quedar primero nel so grupu y na fase d'ascensu, celebrada n'Uviéu, el club llogró l'ascensu a la lliga LEB Bronce. Na primer temporada na nueva categoría consiguió la salvación en realizando una gran segunda vuelta.

Sicasí énte l'anunciu de la Federación Española de Baloncestu de reestructuración de les categoríes pa la temporada 2009/10, cola desapaición de la lliga LEB Bronce, el club tornó participar na lliga LEB Plata por non poder encarar los gastos que supondría la mayor categoría, inscribiéndose de nuevu na lliga EBA.[1]

La temporada 2009/10 foi bien esitosa, con namái dos derrotes na fase regular del campeonatu, llogrando, nes eliminatories d'ascensu, el derechu a participar na lliga LEB Plata.​[2] La Federación Española de Baloncestu consideró al OCB (denomináu esa temporada FEVE Oviedo) como'l meyor equipu de la lliga EBA d'esta temporada.[3]

Na temporada 2010/11, y calteniendo el bloque que la temporada anterior llogró l'ascensu, l'Uviéu algamó los play-off d'ascensu a LEB Oro, siendo esaniciáu en cuartos de final pol sumíu Club Baloncestu Promobys Tíjola. Destacó la presencia de Ian O'Leary, quien llogró'l títulu de MVP de la lliga regular.

Na lliga LEB Plata temporada 2012/13, l'Uviéu Baloncestu perdió la final de la Copa Adecco Plata contra'l Ceba Guadalaxara, al que depués ganó na lliga regular. Clasificose pal ascensu direutu a la LEB Oru quedando primeru na lliga regular, ensin necesidá de xugar los play-off. El xugador americanu Will Hanley llogró'l MVP de la categoría nesa temporada.

Na Lliga LEB Oru 2013/14 l'Uviéu Baloncestu empezó coles mires de permanecer na categoría; sicasí, tres una campaña espectacular (especialmente cuando xugaben en casa) llograron clasificase como sextos pa los play-off d'ascensu, ganando na primer fase al Leyma Natura Coruña en 2 partíos y finalmente siendo vencíos pol Quesos Cerrato Palencia por 3-1. Mientres gran parte de la competición l'afición del Uviéu Baloncestu llevó un gran reconocencia gracies a les remontaes consiguíes pol equipu nos últimos minutos de los partíos. Tantu xugadores como equipu técnicu destacaron tol añu'l sofitu de l'afición, y el pabellón Luis Riera Posada ganóse'l llamatu d'El Fortín de Pumarín porque l'equipu ganó tolos partíos en casa de lliga regular sacante los dos últimos. La base titular del Uviéu Baloncestu, Fran Cárdenes, foi nomáu meyor base de la categoría LEB Oru.

La temporada 2014/15 trescurrió con muncha calma na metá de la tabla, afitándose l'equipu na categoría. Tres ello llegó Carles Marco y con mires de crecedera que se materializaron cola clasificación del equipu pa los cuartos de final d'ascensu a la Lliga Endesa onde fueron esaniciaos por Peñes Huesca.

La temporada 2016/17 foi la más esitosa del l'equipu. Fixo una gran plantía con xugadores de sonadía como Hernández-Sonseca o Dani Pérez y gana la copa Princesa d'Asturies en superando al Burgos CB en Pumarín. Remata la temporada en cuarta posición y xuega los play-off d'ascensu onde cai en semifinales con Quesos Cerrato Palencia. Esto repite la temporada siguiente, pos l'equipu vuelve rematar en cuarta posición y vuelve ser esaniciáu per Palencia. A la fin de temporada, Carles Marco anuncia que nun va siguir como entrenador; pocos díes dempués, el club anuncia qu'el so socesor va ser Javi Rodríguez, quien foi segundu entrenador mientres les trés temporaes anteriores.[4]

Pabellón[editar | editar la fonte]

L'equipu xuega los sos partíos como local nel polideportivu municipal de Pumarín, denomináu Luis Riera Posada n'honor al fináu presidente del club. Foi inauguráu en 1994 y cuenta con una capacidá para 400 espectadores sacante cuando asitien les graes supletories onde l'aforu puede algamar les 1.000 persones.​[5] Nel segundu semestre de 2009 realizáronse reformes nel polideportivu para afaelo a la normativa esistente para participar na lliga LEB.[6]

Trayeutoria[editar | editar la fonte]

Temporada Lliga Posición Post temporada
2004/05 Lliga EBA 15ᵘ, grupu A Baxó
2005/06 1ᵉʳ División 1ᵘ Xubió
2006/07 Lliga EBA 1ᵘ, grupu A Octavu
2007/08 Lliga EBA 1ᵘ, grupu A Xubió
2008/09 LEB Bronce 14ᵘ
2009/10 Lliga EBA 1ᵘ, grupu A Xubió
2010/11 LEB Plata 8ᵘ Cuartos
2011/12 LEB Plata 10ᵘ
2012/13 LEB Plata 1ᵘ Xubió
2013/14 LEB Oru 6ᵘ Semifinal
2014/15 LEB Oru 11ᵘ
2015/16 LEB Oru 4ᵘ Cuartos
2016/17 LEB Oru 4ᵘ Cuartos
2017/18 LEB Oru 6ᵘ Cuartos

Plantía[editar | editar la fonte]

Na temporada 2014-15 foi l'equipu d'España con mayor númberu de rookies universitarios estadounidenses, con 3:[7]

Temporada 2018/19[editar | editar la fonte]

Oviedo Club Baloncesto - Plantía 2018-2019
Xugadores Entrenadores
Nᵘ Nac. Pos. Nome Altor Pesu Procedencia
4 Bandera d'España B Cárdenas, Fran 1.77 m (5 ft 9.5 in) Río Natura Monbus
6 Bandera d'España A Puerto Guaita, Josep 1.99 m (6 ft 6.5 in) Valencia BC
7 Bandera de Países Baxos P Van Zegeren, Joey 2.08 m (6 ft 10 in)
8 Bandera de Finlandia B Aleksi Ahonen, Roope 1.88 m (6 ft 2 in) Ourense Baloncesto
9 Bandera d'España E Pérez Ramos, Víctor Manuel 1.98 m (6 ft 6 in) Grupo Iruña Navarra
10 Bandera de Finlandia A Eemeli Nuutinen, Matti 2.02 m (6 ft 7.5 in)
11 Bandera d'España B Llorente, Sergio 1.84 m (6 ft 0.5 in) CB Breogán
12 Bandera d'España P Arteaga, Óliver 2.09 m (6 ft 10.2 in) Club Melilla Baloncesto
13 Bandera de Lituania AP Jakstas, Rolandas 2.03 m (6 ft 8 in) Cáceres Ciudad del Baloncesto
14 Bandera de Letonia E Geks, David 1.92 m (6 ft 3.5 in) BK Barons Kvartāls
15 Bandera d'España AP Rosa Pompido, Ignacio 2.04 m (6 ft 8.2 in) Unicaja SD
Bandera de Estaos Xuníos d'América A Spieth, Steven 2 m (6 ft 6.7 in) HKK Zrinjski Mostar
Entrenador

Javi Rodríguez

Ayudante(s)

Agustín Munarriz



Leyenda
  • (C) Capitán
  • (PE) Pasaporte européu
  • (CO) Alcuerdu Cotonou
  • (ca) Cantera
  • Injured Mancáu

Plantía
Fecha d'actualización: 4 d'ochobre de 2018

Cuerpu técnicu[editar | editar la fonte]

El primer entrenador del equipu ye Javi Rodríguez (ex xugador profesional nel Baskonia, Xixón, Breogán, Fuenlabrada, Manresa o Bilbao y seleición española nel añu 2003), xuntu con Alejandro González ya Agustín Munárriz son los entrenadores ayudantes; esti postreru ye tamién el preparador físicu del equipu.

Cantera[editar | editar la fonte]

Al empiezu de la temporada 2014/15 el club contaba con 23 equipos partíos en toles categoríes del baloncestu federáu n'Asturies tantu en categoría masculina como femenina.[8]​ Nesi añu teníen 11 grupos d'escueles deportives partíos por dellos colexos d'Uviéu, sumando 150 neños qu'aspiren a convertise nel futuru del equipu. Anguaño cunten con unos 300 xugadores de cantera.

Ésitos[editar | editar la fonte]

  • Campeón Copa de la Princesa d'Asturies de Baloncestu (segunda categoría): (1) 2016/17
  • Campeón LEB Plata (tercer categoría): (1) 2012/13
  • Campeón Lliga EBA (cuarta categoría): (1) 2009/10
  • Subcampeón Copa LEB Plata (tercer categoría): (1) 2012/13
  • Subcampeón Lliga EBA (quinta categoría): (1) 2007/08

Referencies[editar | editar la fonte]

  1. Elena Casero (9 de julio de 2009). «El Oviedo decide no salir en la LEB Plata». La Nueva España. Consultáu'l 9 de julio de 2009.
  2. «El Feve Oviedo confirma su inscripción en LEB plata». La Nueva España (10 de julio de 2010). Consultáu'l 10 de julio de 2010.
  3. «FEVE Oviedo, el mejor de la Liga EBA». Federación Española de Baloncesto (9 de junio de 2010). Consultáu'l 10 de julio de 2010.
  4. «Javi Rodríguez, nuevo entrenador del Oviedo Baloncesto» (castellanu) (30 de mayu de 2018). Consultáu'l 20 de xunu de 2018.
  5. Conceyu d'Uviéu. «Polideportivo Pumarín». Consultáu'l 20 de febreru de 2018.
  6. M. F. (16 d'agostu de 2009). El Comercio (ed.): «El polideportivo de Pumarín tiene que adaptarse a las normas de la liga» (castellanu). Consultáu'l 20 de febreru de 2018.
  7. Solobasket 4-11-2014
  8. «Cantera» (castellanu). Consultáu'l 20 de febrero de 2018.

Enllaces esternos[editar | editar la fonte]