Oveya xalda
 | |
| Datos xenerales | |
|---|---|
| Orixe | España |
| Estáu de conservación |
endangered-maintained (en)  |
| Tamañu de la reciella | 1,3 |
| Carauterístiques físiques | |
| Pesu |
45 kg (machu) 30 kg (fema) |
| Altor |
machu: 65 cm fema: 53 cm |
| Altor machu | 65 cm |
| Altor fema | 53 cm |
 | |
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
La oveya xalda pertenez al tueru del Ovis aries celticus.
La xalda, polo tanto ye una oveya d'aniciu celta lo mesmo que la oveya Ouessant de la Bretaña, la oveya Cochddu (prieta galesa) del País de Gales, la oveya Morite (oveya de los parmos) de les Islles Shetland n'Escocia, la Skudde, la Weiße Gehörnte Heidschnucke ya la oveya Moorschnucke d'Alemaña.
Na Península Ibérica, amás de la xalda, la oveya de la montaña oriental de Galicia (Lugo y Ourense), la oveya berciana y tamién la oveya mirandesa, nel norte de Portugal, son les races d'esti mesmu tueru.
La reconocencia de la Xunión Europea de la xalda como raza autóctona y l'afitamientu de l'Asociación de Criadores d'Oveya Xalda Asturiana (Acoxa), ta permitiendo, pasu ente pasu, el recobramientu d'esta oveya. Anguano cénsense 300 madres reproductores d'esta raza autóctona asturiana.
Dalgunos datos:[editar | editar la fonte]
- Polos restos arqueolóxicos en dellos castros, sabemos que los astures teníen oveyes.
- Nel Edictum Diocletiani de Pretiis Rerum 25, fálase de la llana "Asturicensis". Nel llibru III de la Geographika d'Estrabón fálase del "sagus" o túnica que vistíen estos pueblos prerromanos, esti "sagus" yera de llana prieta yá qu'ési yera'l color de les oveyes de so.
Tamién Xovellanos paez mencionales nel añu 1782 cuando describe la ganadería de los vaqueiros: «Es verdad que sus ganados son pequeños; sus ovejas me parecieron un medio entre las merinas y las churras comunes, acaso porque la corta emigración que hacen anualmente, o bien la sola excelencia de las hierbas que pastan, puso la finura de sus lanas en medio de las otras dos clases».
