Oscar A. C. Lund

De Wikipedia
Saltar a navegación Saltar a la gueta
Oscar A. C. Lund
Oscar A. C. Lund
Vida
Nome completu Oskar Augustus Constantine Lund
Nacimientu Gotemburgu21  de mayu de 1885
Nacionalidá Bandera de Suecia Suecia
Fallecimientu

Estocolmu2  de mayu de 1963

(77 años)
Sepultura Skogskyrkogården Traducir
Familia
Padre Carl Ludwig Lund
Estudios
Llingües inglés
Oficiu
Oficiu direutor de cine, actor, guionista y actor de cine
IMDb nm0526226
Cambiar los datos en Wikidata

Oscar A.C. Lund (21  de mayu de 1885Gotemburgu - 2  de mayu de 1963Estocolmu) foi un actor, guionista y direutor de cine d'orixe suecu, activu nes industries cinematográfiques sueca y estauxunidense.

Biografía[editar | editar la fonte]

El so nome completu yera Oskar Augustus Constantine Lund, y nació en Gotemburgu, Suecia, siendo'l so padre l'actor y direutor teatral suecu Carl Ludwig Lund (1858–1893).

Lund emigró en 1900 a los Estaos Xuníos, país nel cual entró na so floreciente industria cinematográfico, dirixiendo en 1912 el so primer filme, The Wager. Al añu siguiente Lund rodó The Great Unknown en Canadá, siendo esa producción el primer filme dramáticu rodáu nunca nesa nación.

Como de cutiu asocedía nos primeros tiempos de la industria del cine, Lund tamién escribía los guiones y actuaba en munchos de los filmes que dirixía. En 1917 escribió una producción que podría calificase como un docudrama, Mother Love and the Law, basada nun casu real de custodia infantil en Illinois.

Dende 1912 a 1924 Oscar Lund dirixó más de 60 películes nos Estaos Xuníos. Ente elles incluyíase'l primer llargumetraxe producíu pola división en Nueva Jersey de la compañía francesa Eclair, Into the Wilderness (1914). Lund trabayó con frecuencia col direutor y guionista B. A. Rolfe, según cola actriz británica Barbara Tennant, a la que dirixó en más de media docena de películes.

En 1933, na so nativa Suecia, Lund dirixó la so primer cinta sonora, una producción en suecu titulada Kärlek och dynamit.

Oscar A. C. Lund finó en 1963 en Estocolmo, Suecia, siendo soterráu nel Campusantu Skogskyrkogården de dicha ciudá.

Enllaces esternos[editar | editar la fonte]