Ormož

Ormož
Alministración
País	Eslovenia
Conceyu	Conceyu d'Ormož
Tipu d'entidá	asentamientu humanu
Nome oficial	Ormož (sl)
Nome llocal	Ormož (sl)
Códigu postal	2270
Xeografía
Coordenaes	46°24′25″N 16°09′04″E / 46.407°N 16.151°E
	Ormož Ormož (Eslovenia)
Superficie	39 km²
Altitú	225 m
Demografía
Población	1962 hab. (1r xineru 2020); - 1052 homes (1r xineru 2020); - 910 muyeres (1r xineru 2020)
Porcentaxe	100% de Conceyu d'Ormož
Densidá	50,31 hab/km²

Ormož (pronunciáu [ˈóːɾmɔʃ], n'alemán: Friedau) ye una ciudá asitiada na parte noreste d'Eslovenia.

Historia

Ormož apaez mentáu en documentos escritos en 1273 col nome d'Holermůs. El nome basase nel nome latinizáu Alramus, tomáu emprestáu del xermánicu Alram. Ye posible que'l nome provenga del obispu de Salzburgu, Adalram, porque Ormož pasó a ser propiedá del arzobispáu de Salzburgu nel sieglu IX.

La zona d'Ormož tuvo habitada alredor del añu 2100 e.C. Ormož, na so Edá del bronce, superó n'importancia a tolos llugares circundantes y, por cuenta del so tamañu y diseñu urbanu, considérase unu de los asentamientos más grandes del so tipu na rexón alpina oriental. En 1293, la ciudá llogro derechos de mercáu por razones estratéxiques, y en 1331, derechos de ciudá. Llibráronse llarges batalles pol control de la ciudad ente alemanes, húngaros, croates y otomanos. Ormož sufrió una gran destrucción nestes batalles, especialmente en 1487, 1532, 1605 y 1704, y la ciudá tamién sobrevivió a delles quemes.

Tres la Primer Guerra Mundial, Ormož pasó a formar parte d'Estáu de los Eslovenos, Croates y Serbios (Yugoslavia). Mientres la Segunda Guerra Mundial, la ciudá foi ocupada pola Alemaña nazi. Tres la guerra, les autoridaes yugoslaves espulsaron a la población d'orixe alemán de la ciudá.

Ormož foi un nexu d'unión ente los pueblos croata y eslovenu nos últimos sieglos, y caltuvo esta función en cierta midida hasta los nuesos díes. En 1991, Eslovenia declaró la so independencia de Yugoslavia, a lo que l'exércitu popular yugoslavu respondió llanzando un ataque contra el país. Les tropes serbies sitiaron Ormož, pero les defensores eslovenos de la ciudá aguantaron y la so resistencia torgó que l'enemigu avanzara más fondamente n'Eslovenia. Esto tamién-y dio tiempu al nuevu estáu pa convencer a los estaos occidentales de que sofitaren la so independencia.

Xeografía

Asitiase na marxe esquierda del ríu Drava y parte con Croacia na marxe opuesta del ríu. El llagu Ormož atopase al pie de la ciudá. Tratase d'un embalse nel ríu Drava. La zona qu'arrodia el llagu Ormož y les llagunes d'Ormož constitúi un hábitat importante pa les páxaros, incluyíes delles páxaros migratories en peligru d'estinción.

Atopase na rexón tradicional de Prlekija, que forma parte de la Estiria eslovena. El paisaxe al norte d'Ormož ye montascosu, con munchos viesques y viñeos. El ríu Lešnica desagua nel Drava xustu al oeste d'Ormož, y el regueru Pavlovci (n'eslovenu: Pavlovski potok) fluyi al este de la ciudá.

Cultura

La ilesia parroquial de la ciudá está dedicada a Santiagu. Mencionase per primer vegada en fontes escrites que daten de 1271. Foi reconstruyida en delles ocasiones mientres los sieglos XVI, XVII y XVIII. Contien frescos de los sieglos XIV y XVII.

El castiellu d'Ormož mencionase per primer vegada en 1278, cuando foi construyíu pol conde Federicu de Ptuj. Recibió el nome de Fridaw nel so honor, nome que se caltuvo nel nome alemán d'Ormož.

Referencies

Bibliografía

Snoj, Marko (2009). Etimološki slovar slovenskih zemljepisnih imen. Llubliana: Založba Modrijan. ISBN 978-961-241-360-6.
Golec, Boris (2005). Ormož v stoletjih mestne avtonomije : posestna, demografska, gospodarska, socialna, etnična in jezikovna podoba mesta ob Dravi 1331-1849. Llubliana: Založba ZRC. ISBN 961-6500-77-5.
Dular, Janez; Tomanič-Jevremov, Marjana (2010) Ormož : befestigte Siedlung aus der späten Bronze- und der älteren Eisenzeit. Llubliana: Založba ZRC. ISBN 978-961-254-565-9.
Curk, Jože (1967). Kulturni spomeniki na ozemlju občine Ormož. Llubliana: Zavod za spomeniško varstvo SRS.

Enllaces esternos

«Ormož : sonce Prlekije» (eslovenu). SLOTIC. Consultáu'l 8.7.2026.