Orlando (Florida)

De Wikipedia
Saltar a navegación Saltar a la gueta
Orlando (Florida).

Orlando ye una ciudá del estáu estauxunidense de Florida. Allugada na Florida Central, tien 270.934 habitantes, y ye centru del área metropolitana homónima, na que vivíen en marzu de 2016 2.387.138 persones, que faen d'ella la 24ª mayor[1] del país, la sesta nel Sur y la tercera nel estáu.

La ciudá tien l'alcuñu de The City Beautiful (La Ciudá Bonita), magar que ye conocida tamién informalmente como The Theme Park Capital of the World (Capital Mundial de los Parques Temáticos). Estos atraxeron a la ciudá, en 2016, a más de 68 millones de visitantes[2]. Munchos aportaron a ella al traviés del so aeropuertu internacional, el 13u con más movimientu de pasaxeros del país y el 29u del mundu[3].

Los parques temáticos son el corazón de la so industria turística. Los dos principales son el Walt Disney World, abiertu por The Walt Disney Company en 1971 en Bay Lake, unos 34 km al suroeste del centru de la ciudá; y el Universal Orlando Resort, abiertu en 1999 como una espansión del antiguu parque Universal Studios Florida. Toes les principales atracciones turístiques de la ciudá, sacante Walt Disney World, alineense a lo llargo l'International Drive, nel que s'alcuentra tamién el Orlando Eye, una noria xigante de 122 m d'altor. La ciudá ye, tamién, ún de los principales destinos del país pa organizar congresos y convenciones, y nella ta'l campus de la Universidá de Florida Central, el mayor de los Estaos Xuníos en númberu d'alumnos en 2015. Orlando ye una ciudá Gamma - nel llistáu de ciudaes globales del WaGC[4].


Referencies[editar | editar la fonte]

  1. «New stats show Orlando grew faster than 30 biggest metros». Orlando Sentinel. Consultáu'l 15 d'abril de 2018.
  2. Pedicini, Sandra (11 de mayu de 2017). «Visit Orlando: Record 68 million people visited last year». Orlando Sentinel. Archiváu dende l'orixinal, el 18 de xunetu de 2014. Consultáu'l 15 d'abril de 2018.
  3. Passenger Traffic for past 12 months ending May 2011 . Airports.org. Consultáu'l 15 d'abril de 2018.
  4. «GaWC – The World According to GaWC 2010». Lboro.ac.uk (14 de setiembre de 2011). Archiváu dende l'orixinal, el 10 d'ochobre de 2013. Consultáu'l December 10, 2011.
Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.