Orixe (película)
Orixe (títulu orixinal n'inglés: Inception) ye una película escrita y empobinada por Christopher Nolan y que protagonicen Leonardo DiCaprio, Elliot Page, Joseph Gordon-Levitt, Ken Watanabe, Tom Hardy, Marion Cotillard, Cillian Murphy, Tom Berenger y Michael Caine. Orixe entrenóse en 2010 consiguiendo 4 Premios Óscar por Meyor Fotografía, Meyor Amiestu de Soníu, Meyor Edición de Soníu y Meyores Efeutos Visuales. Tamién llogró 3 premios BAFTA pol Meyor Diseñu de Producción, Meyor Soníu y Meyores Efeutos Especiales.
Argumentu[editar | editar la fonte]
Dom Cobb (Leonardo DiCaprio) ye un lladrón especialista nel arte de la estraición de secretos mientres la xente s'alcuentra nun estáu de suañu, cuando la mente ye más vulnerable. La so habilidá conviértese nuna referencia del espionaxe corporativu, pero al empar fai d'él un fuxitivu internacional y va llevalu a perder tolo qu'ama.
Doblaxe n'asturianu[editar | editar la fonte]
Doblada al asturianu por Gonzali Producciones estrenóla la Radiotelevisión del Principáu d'Asturies nuna emisión el 8 de setiembre de 2016. Illán Gonzali dirixó y produció'l versionáu.
Repartu[editar | editar la fonte]
| Personaxe | Voz n'inglés | Doblaxe al asturianu |
|---|---|---|
| Dominic Cobb | Leonardo DiCaprio | Félix Corcuera |
| Mallorie 'Mal' Cobb | Marion Cotillard | Valentina Maile |
| Ariadne | Ellen Page | Lorena Armengol |
| Artur | Joseph Gordon-Levitt | Pablo Moro |
| Eames | Tom Hardy | Carlos Novoa |
| Saito | Ken Watanabe | Nicanor Quirós |
| Robert Fischer | Cillian Murphy | Pachu Viña |
| Miles | Michael Caine | José Santa Clara |
| Peter Browning | Tom Berenger | Francisco Otero |
| Maurice Fischer | Pete Postlethwaite | José Manuel Monteserín |
| Axente d'aduanes | Michael Gaston | Eduardo Zulaiba |
| Yusuf | Dileep Rao | Herminio García-Riaño |
| Abogáu | Ryan Hayward | José García Fernández |
| Nash | Lukas Haas | Alfonso Jiménez |
| Rubia | Talulah Riley | Raquel Menor |
| Azafata | Miranda Nolan | Sara Fernández |
Otros dobladores que participaron nel doblaxe son Bruno Petrelli, Estefanía Lada, María Luisa Fernández, María Guibert y Hugo García.
Crítica[editar | editar la fonte]
Según el sitiu web de Rotten Tomatoes, la película llogró una receición escelente, algamando un 86% d'aprobación (de los críticos espertos) y 93% (de la audiencia).
Hai bien de referencies que venceyen esta película col anime Paprika, dirixíu por Satoshi Kon, estrenada nel 2006; qu'al tiempu básase na novela xaponesa Paprika, escrita por Yasutaka Tsutsui en 1993.
Curiosidaes[editar | editar la fonte]
- El direutor, Christopher Nolan, tardó ocho años n'escribir el guión de la película.
- Warner Bros. Pictures ofreció-y la posibilidá a Christopher Nolan de rodar la película en 3D, pero él negóse porque nun quería que'l públicu fuera a distrayese col efeutu cinematográficu.
- El nome d'Ariadne básase na mitoloxía griega. Ariadne, fía de Minos, ayudó a Teseo a salir del llaberintu del Minotauru.
- El llaberintu diseñáu por Ariadne na película tá basáu nel llaberintu del Minotauru.
- La película dura 2 hores y 28 minutos por, a lo que se supón, una referencia a la duración del cantar d'Edit Piaf na so edición primera, que ye de 2 minutos y 28 segundos.
- La pallabra "Cobb", l'apellíu del personaxe que protagoniza Leonardo DiCaprio, significa "Suañu" en sánscritu, hindi, urdú y punyabi. El personaxe de Marion Cotillard, Mal, ye sinónimu de "malu/duelgu" en francés, español y portugués.
- Tomando la lletra primera de los personaxes principales fórmase la pallabra ''Dreams'', ''Suaños'' n'asturianu (Dom, Robert, Eames, Arthur y Ariadne, Mal Cobb y Saito).
Referencies[editar | editar la fonte]
- ↑ URL de la referencia: http://www.nytimes.com/2010/07/16/movies/16inception.html. Data de consulta: 11 abril 2016.
- ↑ 2,0 2,1 2,2 2,3 2,4 URL de la referencia: http://www.metacritic.com/movie/inception. Data de consulta: 11 abril 2016.
- ↑ Afirmao en: Google Freebase Data Dump. Editorial: Google.
- ↑ «Internet Movie Database» (inglés). Consultáu'l 20 agostu 2016.
- ↑ 5,0 5,1 URL de la referencia: http://nmhh.hu/dokumentum/158992/2010_filmbemutatok_osszes.xlsx.
- ↑ «Internet Movie Database» (inglés). Consultáu'l 23 xunetu 2022.
- ↑ 7,0 7,1 7,2 7,3 Afirmao en: Australian Classification database. Australian Classification ID: inception-1. Apaez como: INCEPTION. Llingua de la obra o nome: Inglés australianu.
- ↑ 8,00 8,01 8,02 8,03 8,04 8,05 8,06 8,07 8,08 8,09 8,10 URL de la referencia: http://www.imdb.com/title/tt1375666/locations?ref_=tt_dt_dt.
- ↑ 9,00 9,01 9,02 9,03 9,04 9,05 9,06 9,07 9,08 9,09 URL de la referencia: https://www.siamzone.com/movie/m/5815. Data de consulta: 11 abril 2016.
- ↑ 10,0 10,1 10,2 10,3 10,4 10,5 10,6 10,7 10,8 Afirmao en: ČSFD. Llingua de la obra o nome: checu. Data d'espublización: 2001.
- ↑ «Internet Movie Database» (inglés). Consultáu'l 23 xunetu 2022.
- ↑ «Box Office Mueyo» (inglés). Consultáu'l 23 xunetu 2022.
- ↑ URL de la referencia: https://www.cnc.fr/professionnels/visas-et-classification/126718.
- ↑ Afirmao en: Filmografía Nacional Danesa.
Enllaces esternos[editar | editar la fonte]
Wikimedia Commons acueye conteníu multimedia sobre Orixe 
.
- Páxina web oficial (n'inglés)
- Ficha d'Orixe na Internet Movie Database
- Ficha d'Orixe en Box Office Mojo
- Ficha d'Orixe en Rotten Tomatoes
- Ficha d'Orixe n'AllMovie
- Ficha d'Orixe en Metacritic
- Ficha d'Orixe en FilmAffinity
Datos: Q25188- Multimedia: Inception (film)