Origami

De Uiquipedia
Saltar a: navegación, buscar
Figura d'Origami

L'origami (折り紙) ye l'arte d'orixe xaponés del plegáu de papel, que tamién ye conocíu como papiroflexa o facer paxarines de papel.

Orixe de la pallabra[editar | editar la fonte]

L'orixe de la pallabra remanez de les voces xaponeses "oru" (plegar) y "kami" que designa al papel. Pero ésti nun fuera'l so únicu sinificáu, yá qu'a lo llargo los tiempos esti arte tevo camudamientos nel nome que lu defín. Nos primeros sieglos del so esistir, llamábase Kami pol sinificáu que designaba'l papel, qu'en realidá ye homónimo de la pallabra qu'usen pa los espirítus de los dioses.

Pasaron los sieglos y tomó'l nome d'"Orikata", que sinifica en xaponés "exercicios de dobláu". Nun foi fasta 1880 que se desendolcó la pallabra Origami de magar los raigaños "Oru" y "Kami", enriba mentaos. Unu de los centros importantes nel xéneru del origami foi España, onde asignaron el vocablu papiroflexia al arte xeométrico de facer plegaos pa figures en papel.

Siguiendo la filosofía oriental, l'origami aporta calma y paciencia al que lo prautica, rasgu común d'abondes terapies basaes nel exerciciu manual. Miguel de Unamuno, gran aficionáu a facer figures de papel, llamaba al origami Cocotoloxía, pola pallabra en francés Cocotte (Paxarina).

Enllaces esternos[editar | editar la fonte]