Agrupación Coral e Instrumental Ovetense

De Wikipedia
(Redirixío dende Orfeón Ovetense)
Saltar a navegación Saltar a la gueta

L'Agrupación Coral e Instrumental Ovetense foi una importante masa coral que surde n'Uviéu nel añu 1885. Algamó importantes éxitos, como'l primer premiu del Concursu Nacional d'Orfeones (1908) pol que ganaríen una bandera bordada y mil pesetes [1].

Inicialmente l'Agrupación taba formada por voces masculines, pero a partir del añu 1918 tresformóse en coru mistu.

Nel añu 1927 sufriríen una escisión de la que surdiría la Coral Vetusta, cambiando la so denominación pola d'Orfeón Ovetense.

Nel somantu de l'Agrupación surdiría unu de los más importantes cuartetos de la música popular asturiana y la tonada: Los Cuatro Ases. Al so direutor, Galo Borbolla ocurrióse-y la idea de formar un cuartetu coles meyores voces de l'Agrupación y asina foi como Cuchichi, Botón, Miranda y Claverol entamaríen una de les carreres más exitoses de la música asturiana.

Otru de los direutores importantes del Orfeón Ovetense foi Luis Ruíz de la Peña [2].

Enllaces esternos[editar | editar la fonte]

  1. http://www.ismael.org/tonada/k_crono_a_1900_1949.htm Cronología de la Tonada, d'Ismael González Arias
  2. http://www.lne.es/siglo-xxi/2010/12/08/especulacion-desidia-peores-oviedo-guerra/1003717.html Entrevista con Juan Ignacio Ruiz de la Peña