Orde de San Agustín

De Wikipedia
(Redirixío dende Orden de San Agustín)
Orde de San Agustín
orden mendicante (es) Traducir
Llocalización
Sede Roma
Historia
Fundación1244
Fundador Inocencio IV
Participación empresarial
Filiales
Propietariu de
Formáu por fraile agustín
Bolsa de valores Agustinos (es) Traducir
Web oficial
Cambiar los datos en Wikidata

La Orde de San Agustín (O.S.A) en llatín Ordo Fratum Sancti Augustini, ye una orde relixosa mendicante establecida pola Ilesia Católica baxo'l pontificáu d'Inocenciu IV nel añu 1244, énte la necesidá d'unificar una riestra de comunidaes d'eremites que surdieron baxo la esperiencia monástica de san Agustín y la so Regla del sieglu IV.

Historia[editar | editar la fonte]

Fundación[editar | editar la fonte]

El nacimientu de la Orde de San Agustín remóntase al añu 1243 cuando cuatro ermitaños (Esteban de Cataste, Hugo de Corbaria, Guido de Rosia y Pedro de Lupocavo) en representación de grupos d'eremites allugaos na antigua Tuscia, Laciu superior y zones fronterices d'Umbría, dirixéronse al papa Inocenciu IV pa pidi-y una regla común y un prior xeneral.[1]

Llueu de conocida la propuesta, nel primer añu del so pontificáu, Inocenciu IV determinó la creación d'una nueva Orde Mendicante (la tercera dempués de los franciscanos y dominicos). Les buldes Incumbit nobis y Praesentium vobis fechaes el 16 d'avientu de 1243, sienten les bases xurídiques de la erección canónica de la Orde de San Agustín. Incumbit nobis ordena que los eremites de Tuscia, "exceptis Fratribus S. Guillelmi (sacante polos hermanos S. Guillelmi)", unvien ún o dos representantes de cada casa al primer Capítulu Xeneral, profesen "la regla y el xéneru de vida del bienaventuráu Agustín", redacten les sos Constituciones y escueyan un Prior General. El procesu tuvo baxo la direición del cardenal Ricardo degli Annibaldi per mediu de la bulda Praesentium vovis. El conceyu tuvo llugar en marzu de 1244, na ciudá de Roma (nun llugar agora desconocíu) no que se llama agora La Pequeña Unión.[1]

La bulda Licet Ecclesiae Catholicae marca una segunda fase nel desenrollu inicial de la Orde, conocíu como La Gran Unión, ocurrida'l 9 d'abril de 1256 nuna antigua ilesia romana (güei Basílica de Santa María del Popolo). Nesta ocasión prodúxose l'anexón d'otres órdenes d'ermitaños asitiaos nes rexones centrales y septentrionales d'Italia como los de Xuan Bonu, los Ermitaños de Santa María de Cesena, los Ermitaños de Bréttino y los Ermitaños de Monte Favale y inclusive los Guillermites que profesaben la Regla de San Benitu.[1]

Privilexos de la Orde[editar | editar la fonte]

Parroquia del Vaticano a cargu de la Orde de San Agustín.

A la Orde de San Agustín diéronse-y dellos privilexos a lo llargo de la so historia. El papa Alexandru IV lliberó a la Orde de la xurisdicción de los obispos y Inocenciu VIII, en 1490, concedió a toles ilesies de la Orde indulxencies asemeyaes a les que pueden facese n'estaciones en Roma.

En 1352, el papa Xuan XXII decretó que'l Sacristán del Palaciu Apostólicu debería siempre ser un miembru de la Orde con una riestra de xeres qu'incluyíen ser Guardián del Sagrariu, confesor del Papa y el so bibliotecariu (cuando la Biblioteca Vaticana espoxigó y se reorganizó en 1481 escoyóse a otru bibliotecariu). Alexandru VI confirmó esta misión, garantizándola pa siempre a un miembru de la Orde mediante una bulda promulgada en 1497. Ente los sacristanes destacaos atópense'l Venerable Giuseppe Bartolomeo Malocchio confesor del papa Píu VII y Angelo Rocca, que gracies a l'aprobación del Papa Pablu V, fundó la primera biblioteca pública de Roma, la Biblioteca Angelica nel Conventu San Agustín.

Referencies[editar | editar la fonte]

  1. 1,0 1,1 1,2 Augnet. «OSA History» (inglés). Consultáu'l 5 d'abril de 2013.