Omega Hydrae

De Wikipedia
Saltar a navegación Saltar a la gueta
Omega Hydrae
Omega Hydrae
Constelación Hidra
Ascensión reuta α 09h 05min 58,37s
Declinación δ +05º 05’ 32,3’’
Distancia 895 años lluz
Magnitú visual +5,00
Magnitú absoluta -2,19
Lluminosidá 1074 soles
Temperatura 4250 K
Masa 5 soles (aprox)
Radiu 55 soles
Tipu espectral K2Iab
Velocidá radial +24,5 km/s

Omega Hydrae (ω Hya / 18 Hydrae / HD 77996 / HR 3613)[1] ye una estrella que s'alcuentra al norte de la constelación d'Hidra. Tien magnitú aparente +5,00 y alcuéntrase, d'alcuerdu al nuevu amenorgamientu de datos de paralax del satélite Hipparcos, a 895 años lluz del Sistema Solar.

Omega Hydrae ye una superxigante naranxa de tipu espectral K2I con una temperatura efectivo de 4250 K.[2] Bien lluminosa, radia 1074 vegaes más enerxía qu'el Sol,[2] siendo brillosu na rexón infrarroxa del espectru.[3] La midida del so diámetru angular en banda K, una vegada correxida debíu al escurecimientu de llimbu, ye de 1,85 ± 0,02 milisegundos d'arcu.[4] Ello dexa envalorar el so tamañu real, siendo ésti 55 vegaes más grande qu'el del Sol. La so velocidá de rotación ye igual o superior a 2,3 km/s, polo que ye considerada una superxigante de rotación lenta.[5]

D'alcuerdu a los distintos modelos d'estructura y evolución estelar, la masa d'Omega Hydrae taría entendida ente 3,8 y 5,0 mases solares.[2] Tien una metalicidá igual a la solar ([Fe/H] = 0,0) y amuesa una bayura relativa de litiu elevada (A(Li) = 1,5).[5]

Referencies[editar | editar la fonte]