Olla San Vicente

De Wikipedia
Saltar a navegación Saltar a la gueta
Olla san Vicente.jpg

La olla de San Vicente ye una poza natural formada pel ríu Dobra nel conceyu d'Amieva (Asturies) y que ye famosa pol color verde esmeralda de les sos agües, con una fondura que llega a los cinco metros.

Pa llegar a ella hai que salir de Cangues d'Onís en direición al puertu del Pontón. Seis kilómetros dempués llégase al pueblu de Tornín y una vegada pasáu esti, a manzorga, va vese un restorán dende'l qu'entama la ruta pa llegar a la olla.

Apenes doscientos metros dempués d'empezar, puede vese la ponte de piedra conocía como la Ponte Viejo que'l so orixe ye inciertu, anque paez ser medieval poles sos característiques. Siguiendo ríu arriba, tres 30 a 40 minutos, aportarás a la Olla. Una ruta apropiada pa faer con neños.