Olive Deering

Olive Deering
Vida
Nacimientu	Nueva York, 11 d'ochobre de 1918
Nacionalidá	Estaos Xuníos
Llingua materna	inglés
Muerte	Nueva York, 22 de marzu de 1986 (67 años)
Sepultura	cementerio de Kensico (es)
Causa de la muerte	cáncanu
Familia
Casada con	Leo Penn
Estudios
Llingües falaes	inglés
Oficiu	actriz, actriz de teatru, actriz de televisión, actriz de cine
IMDb	nm0214392

Olive Deering (Olive Corn, 11 d'ochobre de 1918, Nueva York – 22 de marzu de 1986, Nueva York) foi una actriz d'Estaos Xuníos n'activu dende finales de los años 40 hasta mediaos de los 60.

Biografía[editar | editar la fonte]

Nacida en Nueva York, el so nome verdaderu yera Olive Corn, y yera hermana del actor Alfred Ryder.

La so primer actuación teatral foi un pequeñu papel en Girls in Uniform (1933). Amás, trabayó na obra de Moss Hart Winged Victory, en Ricardu II (protagonizada por Maurice Evans), en Counsellor-at-Law (con Paul Muni), y en De sópitu, l'últimu branu, obra de Tennessee Williams representada en Los Angeles y que-y dio un gran prestíu. Otres producciones nes que participó fueron Non for an Answer, Ceremony of Innocence, Marathon '33, The Young Elizabeth, They Walk Alone y Garden District.^[2]

Nel mediu cinematográficu actuó en dellos filmes, ente ellos Shock Treatment, Caged, y la película de Cecil B. DeMille Samson and Delilah, nel papel de Miriam, personaxe que retomó n'otra producción de DeMille, The Ten Commandments.

Deering tamién trabayó en múltiples programes radiofónicos, ente ellos los seriales True Story y Against the Storm, ya intervieno en más de 200 programes televisivos, destacando'l so papel de Desdémona na producción que The Philco Television Playhouse fixo de la obra Otelo. Una de les sos últimes actuaciones televisives foi la que fizo nel episodiu de The Alfred Hitchcock Hour tituláu "One of the Family".^[3]

Divorciada del actor y direutor Leo Penn, Olive Deering finó por causa de un cáncer en 1986, en Nueva York. Tenía 67 años d'edá. Foi soterrada nel Campusantu Kensico, en Valhalla (Nueva York).