O Geminorum

De Wikipedia
Saltar a navegación Saltar a la gueta
U Geminorum
O Geminorum
Constelación Xéminis
Ascensión reuta α 07h 55min 05,2s
Declinación δ +22º 00’ 04’’
Distancia 254 años lluz (aprox)
Magnitú visual +14,1 a +15,0
+9,0 (españíos)
Magnitú absoluta +9,5
Masa 1,20 / 0,42 soles
Tipu espectral sd:Be / M4.5Ve
Velocidá radial +42 km/s

O Geminorum (O Gem / HD 64511 / GCRV 59196)[1] ye una estrella variable na constelación de Xéminis. Ye l'arquetipu d'un tipu de variables cataclísmicas llamaes novas nanes. Descubierta pol astrónomu John Russell Hind en 1855, foi reparada de cutio dende entós.

O Geminorum ye un sistema binariu onde la componente primaria ye una nana blanca trupa y caliente, y la componente secundaria ye una fría nana colorada de la secuencia principal. La nana blanca tien una masa de 1,20 mases solares, ente que la so compañera tien una masa equivalente al 42% de la masa solar.[2] Los dos estrelles tán bien próximes ente sigo y orbitan a gran velocidá. El so periodu orbital ye de namái 4 hores y 11 minutos.[3]

La nana colorada ta tan próxima a la estrella principal que pierde materia de la so superficie en beneficiu de la nana blanca. Esti material forma un discu de acrecimientu en redol a esta postrera. N'intervalos casi periódicos, d'unos 100 años, el discu desestabilízase y una gran cantidá de materia cai na nana blanca, que de resultes, sufre un españíu.[3] Estos españíos faen que'l rellumu de la estrella aumente unos cien vegaes.

Amás de los españíos, O Geminorum sufre frecuentes eclises cuando una de les estrelles pasa per delantre de la otra, lo que fai que, en condiciones normales, la so magnitú aparente varie ente +14,1 y +15,0. La duración del eclís ye d'unos 20-25 minutos. Mientres los españíos la so magnitú aumenta hasta +9,0.

Referencies[editar | editar la fonte]