OV Cephei

De Wikipedia
Saltar a navegación Saltar a la gueta
OV Cephei
OV Cephei
Constelación Cepheus
Ascensión reuta α 07h 10min 30,49s
Declinación δ +87º 01’ 12,3’’
Distancia 456 años lluz
Magnitú visual +5,05
Magnitú absoluta -0,88
Lluminosidá 850 soles
Temperatura 3700 K
Masa 1,5 soles
Radiu 70 soles
Tipu espectral M2III
Velocidá radial -25,2 km/s
Otros nomes HD 51802 / HR 2609
HIP 37391 / SAO 1168

OV Cephei (OV Cep)[1][2] ye una estrella na constelación de Cefeo, asitiada a 3º del polu norte celeste, de magnitú aparente +5,05. Alcuéntrase, d'alcuerdu al nuevu amenorgamientu de los datos de paralax de Hipparcos (7,16 ± 0,38 milisegundos d'arcu),[1] a 456 años lluz de distancia del Sistema Solar.

OV Cephei ye una xigante colorada de tipu espectral M2III con una temperatura superficial de 3700 K. Tien una lluminosidá —incluyendo la radiación infrarroxo emitida— 850 vegaes superior a la lluminosidá solar. El so radiu ye 70 vegaes más grande qu'el radiu solar y el so masa envalórase un 50% mayor que la masa solar. Como en toles estrelles xigantes, nel so nucleu yá nun se produz la fusión del hidróxenu en heliu; en OV Cephei, la bayura del isótopu carbonu 13 (con siete neutrones nel nucleu atómicu) ye unes 10 vegaes mayor que nel Sol, lo qu'evidencia l'amiestu de subproductos procedentes de la fusión nuclear. L'eleváu conteníu d'esti isótopu prueba que l'hidróxenu tresformóse n'heliu per aciu el llamáu ciclu CNO, onde'l carbonu actúa como catalizador nuclear.[3]

OV Cephei ye, como munches estrelles de les sos carauterístiques, una estrella variable. Catalogada como variable semirregular, el so rellumu varia ente magnitú +5,00 y +5,07 ensin qu'esista periodicidá conocida.[4]

Referencies[editar | editar la fonte]