OT Serpentis

De Wikipedia
Saltar a navegación Saltar a la gueta
OT Serpentis
OT Serpentis
Constelación Serpens
Ascensión reuta α 15h 21min 52,9s
Declinación δ +20º 58’ 40’’
Distancia 37,1 ± 0,8 años lluz
Magnitú visual +10,08
Magnitú absoluta +9,42
Lluminosidá 0,047 soles
Temperatura 3570 K
Masa 0,55 soles
Radiu 0,52 soles
Tipu espectral M1.5V

OT Serpentis (OT Ser / GJ 9520 / HIP 75187)[1] ye una estrella na constelación de Serpens, concretamente en Serpens Caput. De magnitú aparente +10,08, alcuéntrase a 37,1 años lluz de distancia del Sistema Solar. Estrelles cercanes a OT Serpentis son DE Bootis y Gliese 568, asitiaes respeutivamente a 4,6 y 5,7 años lluz de distancia.[2]

OT Serpentis ye una nana colorada de tipu espectral M1.5V. Tien una temperatura superficial de 3570 K y la so masa namái supón el 55% de la masa solar. Relluma con una lluminosidá —incluyendo una parte significativa de la so enerxía emitida como radiación infrarroxo— igual al 4,7% de la lluminosidá solar.[3] El so radiu equival al 52% del radiu solar, y xira sobre sigo mesma con una velocidá de rotación de 6 km/s —teniendo en cuenta qu'esti ye un valor mínimu—, lo qu'implica un periodu de rotación igual o inferior a 3,4 díes. L'estudiu del so campu magnéticu punxo de manifiestu qu'el so topoloxía magnética camuda significativamente nuna escala de tiempu de mediu añu. Piénsase que l'enclín de la so exa al respective de la Tierra ye de 45º.[4]

OT Serpentis ye una estrella bien nueva con una edá entendida ente 15 y 150 millones d'años.[5] Ye una estrella acandilante, esto ye, despide fogarales que traen sópitos ya impredicibles aumentos de rellumu en tol espectru electromagnéticu.[6] Exemplos bien conocíos d'esti tipu d'estrelles son EV Lacertae y UV Ceti.

Referencies[editar | editar la fonte]