Numa Guilhou

De Wikipedia
Saltar a navegación Saltar a la gueta
Numa Guilhou
Jean Antoine Numa Guilhou.jpg
Vida
Nacimientu Mazamet11  de xunu de 1814
Nacionalidá Bandera d'España España
Fallecimientu

El Padrún22  d'ochobre de 1890

(76 años)
Estudios
Llingües castellanu
Oficiu
Oficiu empresariu
Cambiar los datos en Wikidata
Tumba de Numa Guilhou en Mieres.

Jean Antoine Numa Guilhou (11  de xunu de 1814Mazamet - 22  d'ochobre de 1890El Padrún) foi un empresariu francés. Dende bien mozu trabaya nel negociu familiar de comerciu de llana, pero desendolca la mayor parte de la so vida profesional n'Asturies, convirtiéndose nuna de les figures más importantes de la revolución industrial nel país.

El so llabor industrial n'Asturies entama en 1857, cuando compra la Compagnie Miniere et Metallurgique des Asturies, propietaria de la Fábrica de Mieres y delles esplotaciones mineres del grupu Riansares, Grimaldi y Lillo. Foi en 1865 cuando funda la Societé Houillere et Metallurgique des Asturies, al sumar a les sos empreses la fábrica d'aceros de Viḷḷayana y delles mines más en Llangréu, asina como aiciones del Ferrocarril de Llangréu.

Dellos problemes de lloxística y comunicaciones faen que'l grupu d'empreses fracase y presente liquidación, magar que Numa Guilhou vuelve a facese con elli nuna subasta pública en París en 1870.

Guilhou afita la so residencia en Mieres pa xestionar él mesmu la fábrica, pa lo que contrata al inxenieru catalán Jerónimo Ibrán en 1873, que renueva les instalaciones, crea nuevos talleres y empobina la formación téunica y profesional de los trabayadores. A la muerte de Numa Guilhou, venti años depués, la fábrica yá ye ún de los principales centros industriales d'Asturies, gracies, en parte, a la demanda de fierro pa la construcción del ferrocarril ente Ḷḷena y Xixón (inauguráu en 1874), y pola parada de l'actividá industrial nel País Vascu pola mor de la guerra Carlista.

Numa Guilhou muerre n'El Padrún, au ta enterráu nun pequeñu y abandonáu cementeriu protestante a la vera'l solar la fábrica vieya (Ablaña).