Norman Foster (direutor)

De Wikipedia
Saltar a navegación Saltar a la gueta
Artículu revisáu
Norman Foster (direutor)35mm film frames.svg
Norman Foster.jpg
Vida
Nacimientu Richmond Traducir13  d'avientu de 1903
Nacionalidá Bandera de Estaos Xuníos d'América Estaos Xuníos
Fallecimientu

Santa Mónica7  de xunetu de 1976

(72 años)
Sepultura Cementeriu de Holy Cross
Causa de la muerte cáncanu
Familia
Casáu/ada con Claudette Colbert  (1928 -  1935)
Sally Blane  (1935 -  1976)
Estudios
Llingües inglés
Oficiu
Oficiu actor, direutor de cine, guionista, actor de cine y productor de cine
IMDb nm0287988
Cambiar los datos en Wikidata

Norman Foster (13  d'avientu de 1903Richmond Traducir - 7  de xunetu de 1976Santa Mónica) foi un direutor y actor cinematográficu d'Estaos Xuníos d'América.

Biografía[editar | editar la fonte]

El so verdaderu nome yera John Hoeffer, y nació en Richmond, Indiana. Primero de dedicase al cine, Foster yera reporteru nun periódicu llocal n'Indiana, buscando más p'alantre una meyor ocupación na ciudá de Nueva York. Dempués solicitó trabayu en distintes axencies teatrales, hasta que consiguió trabayu y pudo actuar en 1929 nuna obra representada nel circuitu de Broadway, la pieza de George S. Kaufman y Ring Lardner June Moon. Amás, nos sos entamos tamién actuó en Londres y dempués nel cine, empezando con actuaciones como extra hasta que, pasu ente pasu, foi llogrando papeles de mayor importancia. Dalgunes de les películes nes que participó como actor son: It Pays to Advertise (1931), Pilgrimage (1933), State Fair (1933) o Mr. Moto Takes a Vacation (1939).

Foster escribió tamién delles obres teatrales, y dexó l'actuación a finales de los años 1930 pa dedicase a la direición, anque dacuando actuó en dalguna película o en programes televisivos. Como direutor realizó distintos filmes de misteriu dedicaos a los personaxes de Charlie Chan y Mr. Moto, ente ellos Charlie Chan in Panama (1940), Charlie Chan at Treasure Island (1939), Mr. Moto Takes a Vacation (1939), Charlie Chan in Reno (1939), Mr. Moto's Last Warning (1939), Mysterious Mr. Moto (1938), Mr. Moto Takes a Chance (1938), Thank You, Mr. Moto (1937), y Think Fast, Mr. Moto (1937). Tamién foi'l coguionista y direutor del segmentu "My Friend Bonito", incluyíu na película inacabada d'Orson Welles It's All True (1941).[1][2][3]

Cuando Welles taba preparándose pa dir a Brasil a filmar l'Antroxu de Rio de Janeiro pa It's All True, suspendió temporalmente "Bonito" (polo que'l rodaxe nun llegó a completase), motivu pol que Foster volvió pa Hollywood a dirixir Journey into Fear (1943).[4]

Dalgunes de les películes más destacaes de Foster como direutor fueron Kiss the Blood off My Hands (1948), Rachel and the Stranger (1948), Woman on the Run (1950) y The Sign of Zorro (1958). Tamién dirixó los segmentos de la serie Davy Crockett qu'apaecieron nos filmes Davy Crockett, King of the Wild Frontier (1955) y Davy Crockett and the River Pirates (1956). Amás, en 1967 dirixó Brighty of the Grand Canyon, basada na novela infantil de Marguerite Henry.

Foster tuvo casáu con Claudette Colbert dende 1928 hasta 1935, añu nel que se divorciaron. N'ochobre d'esi añu casó cola actriz Sally Blane, hermana mayor de Loretta Young. Tuvieron una fía en xunu de 1936, Gretchen,[5] y un fíu llamáu Robert.

Norman Foster finó en 1976, por causa d'un cáncer, en Santa Mónica, California, a los 72 años d'edá. Foi enterráu, al llau de la so segunda muyer, nel Campusantu de Holy Cross, en Culver City, California.

Esbilla de la so filmografía[editar | editar la fonte]

Direutor[editar | editar la fonte]

Actor[editar | editar la fonte]

Referencies[editar | editar la fonte]

  1. Benamou, Catherine L., It's All True: Orson Welles's Pan-American Odyssey. Berkeley: University of California Press, 2007 ISBN 978-0-520-24247-0
  2. Wilson, Richard, "It's Not Quite All True". Sight and Sound, Volume 39 Númberu 4, seronda de 1970.
  3. Simon Callow, Hello Americans. New York: Viking, 2006 ISBN 0-670-87256-3
  4. Orson Welles, y Peter Bogdanovich, editáu por Jonathan Rosenbaum, This is Orson Welles. Nueva York: HarperCollins, 1992; ISBN 0-06-016616-9.
  5. Lewis, Judy (1994). Uncommon Knowledge.

Enllaces esternos[editar | editar la fonte]