Norino' l Gaiteru

De Wikipedia
Saltar a navegación Saltar a la gueta
Norino' l GaiteruPicto infobox character.png
Vida
Nacimientu Sotrondio17  de setiembre de 1917
Nacionalidá Flag of Spain.svg España
Muerte

Sotrondio24  de setiembre de 2011

(94 años)
Estudios
Llingües falaes castellanu
asturianu
Oficiu
Cambiar los datos en Wikidata

Honorino García Fernández (17  de setiembre de 1917Sotrondio – 24  de setiembre de 2011Sotrondio), más conocíu como Norino'l Gaiteru, foi un gaiteru de Sotrondio, Asturies.

Delles notes biográfiques[editar | editar la fonte]

Blas Honorino García Fernández, nació'l diecisiete de setiembre de 1917, n'El Carbu, Sotrondio, conceyu de Samartín del Rei Aurelio. Norino venía de raza de gaiteros: so pa, Leandro García Rodríguez, Leandrón (1885-1947), facía gaites (hubiere deprendío con Manuel Ablanedo, Manolín de la Carrera) amás de tocales y foi mayestru de los sos fíos Arturo y Belarmino. Pero magar que tenía en casa quién-y deprendiere y instrumentu pa ello, la cosa foi que Norino emprincipió solu a tocar.

Inda con nueve años, echóse p'alantre y na romería de Blimea, atrevióse a pedí-y la gaita al gaiteru Marcelo l'Avicucu pa tocar dellos cantarinos de la dómina que yá sabía. La novedá del rapacín gaiteru espardióse pela fiesta y llegó a oyíos del pá, que se presentó aende mui llueu y mandó-y tocar. Norino echó la gaita al costazu, contando que'l pá diba regañalu, pero n'acabando de tocar, dixo-y: "Fiyu, mañana perfáigote una gaita" Y esa foi la primer gaita que tuvo.

Naquella dómina, pel branu, yera costume dir la mocedá los domingos a La Campeta a baillar hasta l'atapecer, y llevánbenlu a él y al tamboriteru Guillermo de Cabañesnueves. Nun ganaba gran cosa: nos díes meyores, marchaba pa casa con tres riales que-y pagaben a escote y que repartía col tamboriteru.

Videos[editar | editar la fonte]

Referencies[editar | editar la fonte]

Enllaces esternos[editar | editar la fonte]