Norbert Elias

De Wikipedia
Saltar a navegación Saltar a la gueta
Norbert EliasPicto infobox auteur.png
Norbert Elias (1987).jpg
Vida
Nacimientu Wrocław22  de xunu de 1897
Nacionalidá Bandera del Reinu Xuníu Reinu Xuníu
Bandera d'Alemaña Alemaña
Fallecimientu

Ámsterdam1  d'agostu de 1990

(93 años)
Estudios
Estudios Universidá de Heidelberg
Universidá de Wrocław
Universidá de Friburgu
Nivel d'estudios doctoráu
Direutor/a de tesis Richard Hönigswald
Llingües alemán
Alumnu/a de Karl Mannheim
Oficiu
Oficiu escritor, sociólogu, profesor universitariu, filósofu y musicólogu
Llugares de trabayu Leicester
Emplegadores Universidad Ruhr de Bochum Traducir
Universidad de Bielefeld Traducir
London School of Economics
Universidad de Leicester Traducir
Trabayos destacaos El proceso de la civilización Traducir
Premios
Miembru de Blau-Weiss Traducir
Cambiar los datos en Wikidata
Una placa de Norbert Elias en Wrocław

Norbert Elias (22  de xunu de 1897Wrocław - 1  d'agostu de 1990Ámsterdam) foi un sociólogu alemán.

Biografía[editar | editar la fonte]

Norbert Elias ñaz nuna familia xudía y ye llamáu a participar na Primer Guerra Mundial. Dende 1918 estudia Filosofía y Medicina nes universidaes de Breslau y Heidelberg. De la qu'aporten los nazis al poder tien que fuxir a Francia, primero de pasar pa Inglaterra, onde tuvo gran parte de la so carrera. Sicasí los sos trabayos n'alemán nun fueron mui conocíos y viose forzáu a vivir de trabayos precarios en Londres enantes de llograr, en 1954, una plaza de docente na universidá de Leicester

La so tesis sobro la sociedá cortesana, fecha en 1933 (masque enxamás lleía), y la so primer obra sobro'l "procesu de civilización", hubieron d'esperar a 1969 pa ser publicaes. N'inglés apaecieron entá más tarde. Aborden dellos temes:

  • la historia del autocontrol y de la violencia y la interiorización de les emociones
  • el deporte
  • la música
  • la rellación cola muerte
  • la rellación col tiempu

Idees[editar | editar la fonte]

Conocíu principalmente pol so trabayu sobro'l procesu de civilización n'Occidente, esti sociólogu, pioneru de la visión constructivista, intentó al traviés de la so obra superar la oposición tradicional ente individuu y sociedá. Son los individuos interdependientes quien formen la sociedá, y ésta nun ye, poro, daqué esternu a ellos: la sociedá nun ye namái la suma de les unidaes individuales (individualismu metodolóxicu), nin un coxuntu independiente d'aiciones individuales (holismu).

La noción d'interdependencia ye la bas de la teoría d'Elias

Llama a les formes específiques d'interdependencia ente individuos configuración. Estes configuraciones puen ser de tamañu variable, dende la forma de rellación más pequeña hasta les rellaciones internacionales. La complexidá y la llargura de les cadenes de rellaciones dexen diferenciar interdependencies. La noción d'interdependencia tá per otru llau lligada a la de poder: el poder ye un desequilibriu nes interdependencies, si yo soi más dependiente d'otru que esi otru de min, tien entós poder sobre min. La interdependencia de los individuos xuega asina sobre la so personalidá imponiéndo-yos redes preesistentes que dexarán la so güelga nes costumes del individuu.

Elias alviértenos del peligru de les definiciones a priori de nociones de micro y macrosocioloxía. Refuga amás la visión evolucionista de la historia: los evolucionistes entienden la historia como daqué unidireccional y unidimensional; pa Elias la historia ye la suma de los proyeutos ensin proyeutu y de les finalidaes ensin finalidá que los individuos truxeron al correr del tiempu.

Finalmente, el procesu de civilización consiste na mediación de les pulsiones, la so canalización al traviés de dispositivos (Idees non lloñe de les de Sigmund Freud en El malestar na civilización). Esti procesu básase na curialización, o lo que ye igual, la estensión de les práutiques de la corte al conxuntu de la sociedá.

Enllaces esternos[editar | editar la fonte]