Nora Castañeda

De Wikipedia
Saltar a navegación Saltar a la gueta
Nora Castañeda
Vida
Nacimientu Caraques12  de xunu de 1942
Nacionalidá Bandera de Venezuela Venezuela
Fallecimientu

Caraques16  de mayu de 2015

(72 años)
Oficiu
Oficiu economista, activista, profesora y política
Emplegadores Universidá Central de Venezuela
Cambiar los datos en Wikidata

Nora Castañeda (Caraques, 12 de xunu de 1942 - ibídem, 16 de mayu de 2015) foi una economista, política, docente universitaria y destacada activista feminista venezolana. Foi la primer presidenta del Bancu de desenvolvimientu de la muyer (Banmujer).[1]

Biografía[editar | editar la fonte]

Fía d'una madre soltera, dende bien pequeña, Nora Castañeda tuvo que curiar de los sos hermanos más pequeños.

Casada, madre de trés fíos varones y una muyer. Llicenciada en Ciencies económiques y con posgráu en alministración pública y desenvolvimientu económicu, foi profesora d'economía na Universidá Central de Venezuela dende más de 30 años, onde fundó la Cátedra de la Muyer.[2]

Ámbitu políticu[editar | editar la fonte]

Militante del movimento feminista dende la so mocedá, y como coordinadora de les organizaciones non gubernamentales, xugó un papel importante nel procesu constituyente que dio llugar a la Constitución venezolana de 1999.

Mientres duró la tramitación parllamentaria de la nueva Constitución, les organizaciones feministes concentráronse diariamente ante l'Asamblea Nacional Constituyente apurriendo propuestes pa la so inclusión nel nuevu testu (redacción en llinguaxe non sexista, garantía d'una educación pública pa la igualdá y non sexista, principiu d'igualdá nel accesu al trabayu de les muyeres y nel exerciciu de tolos derechos constitucionales, reconocencia del calter de l'actividá económica del trabayu de les maestres de casa y derechu a la cotización a la seguridá social de les mesmes, o la prioridá de les madres xefes de familia nos programes sociales gubernamentales). El movimientu consiguió que los sos principales propuestes fueren incorporaes al testu de la nueva Constitución, que dio orixe a la Quinta República y a la Revolución bolivariana.

Presidenta de Banmujer[editar | editar la fonte]

Frutu de la reconocencia constitucional, el 15 de xineru de 2001, el presidente Hugo Chávez, anunció públicamente la creación del Bancu de Desenvolvimientu de la Muyer (Banmujer), y el 8 de marzu d'esi añu, coincidiendo col Día Internacional de la Muyer, nomó a Castañeda como presidenta de la entidá. Coles mesmes, aprobóse la Llei de Microfinanzas que da cobertoria, ente otros, a la nueva institución.

Primeramente, dende'l Bancu del Pueblu Soberanu, l'executivu venezolanu yá impulsara llinies preferenciales pa les muyeres, d'acordies col oxetivu espresáu de potenciar la llamada banca social.

Dende la presidencia de Banmujer, Nora Castañeda impulsó un ambiciosu programa de micro-crédito destinaos principalmente a les madres que son xefes de familia. Ufierta tamién servicios non financieros, especialmente asesoramientu técnicu y capacitación en relación a los proyeutos que les muyeres quieren implementar colos creitos llograos. Priorízase coles mesmes les solicitúes formulaes conxuntamente por delles usuaries y los proyeutos empobinaos a la creación de cooperatives.

Referencies[editar | editar la fonte]

  1. L'Universal. «Oficialismo llamentó fallecimientu de Nora Castañeda». Consultáu'l 19 de mayu de 2015.
  2. «Interview with Nora Castañeda of (Venezuela's) Women’s Development Bank» (inglés). In Motion Magacín (7 de setiembre de 2004).




Nora Castañeda