Nooralotta Neziri

De Wikipedia
Saltar a navegación Saltar a la gueta
Nooralotta Neziri
Nooralotta Neziri-20130721-Lapinlahti-SavoGames RMJ0588.jpg
Vida
Nacimientu

Turku9  de payares de 1992

(26 años)
Nacionalidá finés
Oficiu
Oficiu velocista y atleta
nooralotta.fi
Cambiar los datos en Wikidata

Nooralotta Neziri (Turku, Finlandia, 9 de payares de 1992) ye una atleta finés que compite na modalidá de 100 metros abarganes. Foi oru nel Campeonatu Européu Júnior de 2011 celebráu en Tallin (Estonia) con una marca de 13,34 segundos y bronce nel Campeonatu Européu Sub-23 de 2013 de Tampere, nel so país natal, con 13,39. La so primer participación olímpica foi en Ríu 2016, onde cayó na segunda de les semifinales al quedar en sestu puestu con una marca de 13,04 segundos.

Neziri tien l'actual récor nacional de Finlandia en 100 metros abarganes femenín, consiguíu en xunu de 2016 con 12,81.[1][2] Amás, el so récor nos 100 metros llisos ye de 11,48 segundos, l'octavu meyor del país.

Carrera[editar | editar la fonte]

Nooralotta Nezir nació na ciudá finlandesa de Turku en payares de 1992, fía de madre finés y padre albanu-macedónico, anque dende la so infancia vivió en Pori, na mariña oeste del país.[3]

Empezó a entrenar profesionalmente na modalidá de 100 metros abarganes, que combinaría con 60 metros abarganes, en 2007. La so primer competición foi na Copa del Mundu de 2009, celebrada na ciudá italiana de Bresanona.[4] Esi mesmu añu, nel Festival Olímpicu de la Mocedá Europea que se celebraba en Tampere (Finlandia), consiguió la so primer medaya d'oru al acabar la prueba nun tiempu de 13,23 segundos.[5]

Nel Campeonatu Mundial Junior d'Atletismu celebráu en 2010 na llocalidá canadiense de Moncton, Neziri llogró un nuevu quintu puestu, con una carrera nos 100 metros abarganes de 13,49 segundos.[6]

En 2011 participó nel Campeonatu finlandés d'atletismu en pista cubierta celebráu en Ḥelsinki, onde consiguió la so primer medaya de plata na categoría de 60 metros abarganes, con un tiempu de 8,48 segundos. Esi añu remató cola medaya d'oru llograda nel Campeonatu Européu Junior d'Atletismu de Tallin (Estonia), esta vegada na categoría de 100 metros abarganes y con un tiempu de 13,34 segundos.

Al añu siguiente, nel Campeonatu Européu d'Atletismu que se celebraba en Helsinki (Finlandia), ameyoró'l so récor personal de los 100 metros abarganes, al baxar de los 13,34 segundos del añu pasáu a 13,23. 9 milésimes que, sicasí, nun fueron abondes pa entrar na final, terminando decimoséptima na xeneral.

En 2013 participó nes modalidaes de 60 y 100 metros abarganes. Na primera, nel marcu del XXXII Campeonatu Européu d'Atletismu en Pista Cubierta celebráu en Gotemburgo (Suecia), acabó n'octavu puestu n'entrando na meta a 8,19 segundos. Pa la segunda modalidá, participó primero nel Campeonatu Européu Junior Sub-23 d'Atletismu de Finlandia, onde entró nel podiu con un bronce gracies a los sos 13,39 segundos; la so segunda incursión foi nel Campeonatu Mundial d'Atletismu de Moscú, onde a pesar de quedar llueñe de los puestos altos -foi decimoséptima-, acabó llogrando'l so primera gran récor personal na modalidá de 100 metros abarganes, al baxar la so marca a 13,04 segundos.[7]

En marzu de 2014, Nooralotta Neziri participó nel Campeonatu Mundial d'Atletismu en Pista Cubierta de Sopot (Polonia), de nuevu na modalidá de 60 metros abarganes. Llogró una marca de 8,21 segundos, que nun foi abondu siquier pa quedar en puestos medios de la tabla clasificatoria, llogrando unu de los sos peores rexistros al quedar vigésimoquinta. N'agostu d'esi mesmu añu participaba nel Campeonatu Européu d'Atletismu de Zúrich (Suiza) na modalidá de 100 metros abarganes, quedando decimoséptima con 13,17 segundos, y en relevu 4 × 100 metros con Milja Thureson, Hanna-Maari Latvala y Minna Laukka. L'equipu finés quedó undécimu con 44,22 segundos de marca.

En 2015 volvió bater un nuevu récor personal en 60 metros abarganes, al llograr nel Campeonatu Européu d'Atletismu en Pista Cubierta celebráu en Praga (República Checa) una marca de 7,97 segundos que-y valió un sestu puestu.[8] Tamién participó nel Campeonatu Mundial d'Atletismu de Beixín (China), onde, sicasí, quedó vigésimocuarta -la so segunda peor marca- con 13,13 segundos, a 16 milésimes de la xamaicana Danielle Williams, que ganó con 12,57 segundos.[9]

En xunetu de 2016 llegó a Ámsterdam (Holanda) pa participar nel Campeonatu Européu d'Atletismu, onde volvió collechar una mal resultancia a pesar d'una bona carrera, siendo decimocuarta con 13,05 segundos. N'agostu d'esi mesmu añu, participó nos sos primeros Xuegos Olímpicos. Formó parte del equipu d'atletismu finlandés que representó al so país nos Xuegos Olímpicos de Rio de Janeiro 2016. Na primer ronda clasificatoria, Neziri quedó tercera con 12,88 segundos, por detrás de la belga Anne Zagré (12,85 s.) y de la estauxunidense Kristi Castlin (12,68 s.).[10] Na segunda semifinal, sicasí, quedó sesta con un tiempu de 13,04 segundos, lo que imposibilitó que pasara a la final, que ganó Brianna Rollins.[11] Na clasificación total de la competición, Neziri quedó decimoctava.[12]

Resultaos en competición[editar | editar la fonte]

Per temporada[editar | editar la fonte]

Añu Competición Llugar Modalidá Puestu Marca (en s.)
2009 Campeonatu Mundial d'Atletismu Sub-18 Bandera d'Italia Bresanona 100 m. valles 13,44
Bandera de Finlandia

Tampere

100 m. valles 13,23
2010 Campeonatu Mundial Junior d'Atletismu Bandera de Canadá Moncton 100 m. valles 13,49
2011 Bandera de Finlandia

Ḥelsinki

60 m. valles 8,48
Bandera d'Estonia

Tallin

100 m. valles 13,34
2012 Campeonatu Européu d'Atletismu Bandera de Finlandia Ḥelsinki 100 m. valles 17ª 13,23
2013 Campeonatu Européu d'Atletismu en Pista Cubierta Bandera de Suecia Gotemburgo 60 m. valles 8,19
Bandera de Finlandia

Tampere

100 m. valles 13,39
Campeonatu Mundial d'Atletismu Bandera de Rusia Moscú 100 m. valles 17ª 13,04 (NR)
2014 Campeonatu Mundial d'Atletismu en Pista Cubierta Bandera de Polonia Sopot 60 m. valles 25ª 8,21
Campeonatu Européu d'Atletismu Flag of Switzerland.svg Zúrich 100 m. valles 17ª 13,17
Relevu 4×100 m. 11ª 44,22
2015 Campeonatu Européu d'Atletismu en Pista Cubierta Bandera de Chequia Praga 60 m. valles 7,97 (NR)
Campeonatu Mundial d'Atletismu Bandera de la República Popular China Beixín 100 m. valles 24ª 13,13
2016 Campeonatu Européu d'Atletismu Bandera de Países Baxos Ámsterdam 100 m. valles 14ª 13,05
Xuegos Olímpicos Bandera de Brasil Rio de Janeiro 100 m. valles 18ª 13,04[12]
2017 Campeonatu d'Atletismu de Jyväskylä Bandera de Finlandia Jyväskylä 60 m. valles 8,08
2018 Campeonatu Mundial d'Atletismu en Pista Cubierta Bandera del Reinu Xuníu Birmingham 60 m. valles 18ª 8,20

Meyores marques[editar | editar la fonte]

Disciplina !Marca (s) Llugar Fecha
100 metros abarganes 13,04 Bandera de Rusia Moscú 2013
60 metros abarganes 7,97 Bandera de Chequia Praga 2016
100 metros abarganes 12,81[2] Bandera de Finlandia Kuortane 2016

Referencies[editar | editar la fonte]

  1. «Neziri sivusi Suomen ennätystä ja lunasti MM-kisalipun (en finés)». Yle. Consultáu'l 29 d'agostu de 2016.
  2. 2,0 2,1 «Neziri ei sortunut perisyntiinsä – "En yrittänyt liikaa" (en finés)». Yle. Consultáu'l 29 d'agostu de 2016.
  3. «Ei mitään ilmaiseksi (en finés)». Ilta Sanomat. Consultáu'l 29 d'agostu de 2016.
  4. «Nooralotta Neziri. Turun Urheiluliitto». Tilastopaja. Consultáu'l 29 d'agostu de 2016.
  5. «Nooralotta Neziri juoksi SE:n ja voitti kultaa (en finés)». MTV fi. Consultáu'l 29 d'agostu de 2016.
  6. «100 Metres Hurdles Women. 13th IAAF World Championships». IAAF. Consultáu'l 29 d'agostu de 2016.
  7. «Neziri pinkoi Suomen ennätyksen MM-välierässä (en finés)». Yle. Consultáu'l 29 d'agostu de 2016.
  8. «Nooralotta Neziri aitoi Suomen ennätyksellä EM-kuutoseksi (en finés)». MTV fi. Consultáu'l 29 d'agostu de 2016.
  9. «100 Metres Hurdles Women. 15th IAAF World Championships». IAAF. Consultáu'l 29 d'agostu de 2016.
  10. «Nooralotta Neziri pamautti huikean FÓLIENSE - "Ei tätä pysty tajuamaan" (en finés)». Il Talehti. Consultáu'l 29 d'agostu de 2016.
  11. «Nooralotta Neziri pettyi välierässä (en finés)». Ilta Sanomat. Consultáu'l 29 d'agostu de 2016.
  12. 12,0 12,1 «Clasificación final 100 metros abarganes femenín». Río 2016. Consultáu'l 29 d'agostu de 2016.

Enllaces esternos[editar | editar la fonte]


Nooralotta Neziri