Nintendo Switch Lite

De Wikipedia
Ficha de softwareNintendo Switch Lite
Desendolcador(es) Nintendo
Sistema operativu sistema operativu de Nintendo Switch
Tipu modelu
Más información
Sitiu web Web oficial
Cambiar los datos en Wikidata

La Nintendo Switch Lite (ニンテンドースイッチライト Nintendō Suitchiraito?) ye una consola portátil de Nintendo. Salió el 20 de setiembre de 2019 como una versión sólo portátil de la Nintendo Switch. Ye compatible cola mayoría de xuegos de la versión estándar y haila en cuatro colores.

Historia[editar | editar la fonte]

Antecedentes[editar | editar la fonte]

Según el The Wall Street Journal, l'oxetivu de Nintendo cola Switch Lite yera fabricar un sistema que costara menos de 200 dólares, dirixíu a xugadores ocasionales, pa competir colos servicios de videoxuegos que nun riquen un preséu dedicáu esclusivamente a ello. P'algamalo, Nintendo negoció amenorgamientos de precios colos sos provisores de componentes. Per otru llau, el Journal aseguró que Nintendo amestara Murata Manufacturing como provisor de bateríes, sumándose a TDK, provocando competencia ente les dos compañíes pola reducción de costes.

La Switch Lite ye un aparatu únicu, de xuegu portátil únicamente, colos mandos Joy-Con amestaos al hardware principal del dispositivu, y con una pantalla más pequeña de 5,5 pulgaes (14 cm). [1] L'usu de la consola ta, en xeneral, llendáu a xuegos que puedan reproducise en mou portátil, por cuenta de los Joy-Con integraos; anque la mayoría de xuegos del catálogu son compatibles, dalgunos como 1-2-Switch riquen l'usu de mandos independientes.

Llanzamientu[editar | editar la fonte]

La Switch Lite foi anunciada el 10 de xunetu de 2019 y salió al mercáu el 20 de setiembre de 2019 en tol mundu con un preciu de venta al públicu recomendáu de 199,99 dólares. Salió en tres colores: mariellu, gris y turquesa. El sistema foi promocionáu al pie de The Legend of Zelda: Link's Awakening, una nueva versión del xuegu de 1993 pa Game Boy. Un modelu especial de Pokémon Sword y Pokémon Shield, inspiráu nos Pokémon Zacian y Zamazenta, salió el 8 de payares de 2019, una selmana enantes l'espublizamientu del xuegu.[2] Una consola color coral salió el 20 de marzu de 2020 en Xapón y el 3 d'abril nel resto'l mundu.[3]

Hardware[editar | editar la fonte]

La Switch Lite ye un aparatu individual y autónomu, colos distintos puertos y carauterístiques del mandu Joy-Con amestaos al cuerpu principal de la consola. Los cuatro botones direicionales foron sustituyíos por una cruceta estándar nel llau izquierdu. La pantalla ye más pequeña que la Switch grande, con 5,5 pulgaes (14 cm). En conxuntu, el preséu mide 9,1 cm per 29,8 cm y pesa 280 g. La batería tamién tien menor capacidá, con 3570 mA, comparada colos 4310 mA de la Switch. Magar la menor batería, la consola tien una duración estimada mayor que'l modelu orixinal: ente 3 y 7 hores de xuegu, frente a las ente 2 y media y 6 y media hores de la Switch orixinal. Esto ye darréu que la pantalla ye más pequeña, que inclúi un novedoso hardware de sistema nun solo chip (SoC) y que desaniciaron delles carauterístiques que gastaben muncha lletricidá como la vibración HD y la cámara infrabermeya qu'incluíen los Joy-Con normales.[1]

Llendes[editar | editar la fonte]

La Switch Lite ye compatible, en principiu, namás que colos xuegos que puen usase'n mou portátil, olvidando carauterístiques como los sensores xiroscópicos de la Switch, el Bluetooth, Wi-Fi y la compatibilidá NFC. Dellos xuegos de mesa que riquen la vibración HD o la cámara infraverbeya, como 1-2 Switch, obliguen al xugador a usar Joy-Con extra cola Switch Lite. El sistema nun almite nengún tipu de conexón con un televisor, poro, ye incompatible con xuegos que necesiten el so usu. Si el xugador tenta de mercar xuegos na eShop que almitan solo mou televisor o solo mou portátil, va ser notificáu de la incompatibilidá. Anque nun vienen cola consola, la Switch Lite ye compatible con mandos esternos propios de los modelos estándar de Switch, como los mandos Joy-Con.[4][5] Dellos mandos, como los de GameCube, funcionen correutamente. Sicasí, fai falta un adautador adicional porque la Switch de tamañu grande dispón de puertos USB nel so dock a esti efeutu, que la Lite nun tien.[6][7]

Receición[editar | editar la fonte]

Ventes[editar | editar la fonte]

El 30 de setiembre de 2019, tres solo 10 díes nel mercáu, la Switch Lite llevaba alredor de 1,95 millones d'unidaes vendíes en tol mundu.[8] Pal 31 de marzu de 2020, vendiera 6,19 millones. El presidente de Nintendo, Shuntaro Furukawa, nel informe de resultaos del cuartu cuatrimestre, declaró qu'alredor del 30% de les ventes de Switch Lite fueran de xente yá propietario d'una Switch normal, con la Lite como una consola de repuestu. Furukawa afirmó tamién que, ente los que compraben la so primer consola Switch, las muyeres elixíen más la Lite que la normal, poro, Nintendo aumentaría la producción de la Lite pa esi mercáu.[9] Nintendo tamién anunció un nuevu color, coral, que diba salir el 20 de marzu de 2020.[10]

Referencies[editar | editar la fonte]

  1. ↑ 1,0 1,1 Faulkner (August 5, 2019). «Nintendo Switch Lite FCC filings confirm a smaller battery, new processor, and Odin fixation». The Verge. Consultáu'l August 5, 2019.
  2. ↑ Rivera (10 July 2019). «The Nintendo Switch Lite Is Getting A Lovely Pokémon Sword and Shield Edition». Kotaku. Consultáu'l 10 July 2019.
  3. ↑ Carpenter (February 18, 2020). «A coral pink Nintendo Switch Lite is coming». Polygon. Consultáu'l March 14, 2020.
  4. ↑ Ashcraft (10 July 2019). «The Nintendo Switch Lite Will Be Released On September 20». Kotaku. Consultáu'l 10 July 2019.
  5. ↑ Webster (10 July 2019). «Nintendo Switch Lite is a smaller, cheaper Switch built exclusively for handheld play». The Verge. Consultáu'l 10 July 2019.
  6. ↑ «Nintendo Support: How to Use the GameCube Controller With Nintendo Switch». en-americas-support.nintendo.com. Consultáu'l 2020-04-15.
  7. ↑ Wortiz (2019-09-21). «How To Connect Your GameCube Controller To The Nintendo Switch Lite» (inglés). NintendoSoup. Consultáu'l 2020-04-15.
  8. ↑ «Consolidated Financial Highlights - Q2 FY2020». Nintendo (October 31, 2019). Consultáu'l October 31, 2019.
  9. ↑ Carter (February 7, 2020). «Nintendo opens up about the Switch Lite and how it fits in their ecosystem». Destructoid. Consultáu'l February 7, 2020.
  10. ↑ England (18 February 2020). «Nintendo unveils a coral-colored Switch Lite». engadget. Consultáu'l 18 February 2020.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Nintendo_Switch_Lite&oldid=4066830»