Night Court

Night Court
Datos
Títulu orixinal	Night Court
Xéneru	comedia de situación d'Estaos Xuníos
País d'orixe	Estaos Xuníos
Idioma orixinal	inglés d'Estaos Xuníos
Duración	25 min.
Productor	Linwood Boomer
Compositor	Jack Elliott
Númberu de temporaes	9
Llista de temporaes	ver Night Court, season 1 (en) , Night Court, season 2 (en) , Night Court, season 3 (en) , Night Court, season 4 (en) , Night Court, season 5 (en) , Night Court, season 6 (en) , Night Court, season 7 (en) , Night Court, season 8 (en) y Night Court, season 9 (en) ;
Númberu d'episodios	193
Llista d'episodios	list of Night Court episodes (en)
Repartu	ver Harry Anderson ; Karen Austin ; John Larroquette ; Paula Kelly ; Richard Moll ; Selma Diamond ; Ellen Foley ; Charles Robinson ; Markie Post ; Florence Halop ; Marsha Warfield ; Brent Spiner (como Bob Wheeler (en) );
Primer emisión	4 de xineru de 1984
Última emisión	31 de mayu de 1992
Emisora orixinal	NBC
Productora	American Broadcasting Company
Distribuidora	Warner Bros. Television
Premios	ver Genesis Award (en) ;

Night Court ye una comedia de situación d'Estaos Xuníos que s'estrenó na canal NBC el 4 de xineru de 1984 y terminó'l 31 de mayu de 1992, tres nueve temporaes que sumen 193 episodios. La serie desenvuélvese nel turnu de nueche del Tribunal Penal de Manhattan, presidíu por un xuez mozu y poco convencional, Harry Stone (interpretáu por Harry Anderson), y foi creada pol guionista cómicu Reinhold Weege, que trabayara previamente en Barney Miller nos años 1970 y principios de los 1980.

Repartu

Principal

Harry Anderson como'l xuez Harold "Harry" T. Stone
John Larroquette como l'auxiliar del fiscal Reinhold Daniel "Dan" Fielding Elmore
Richard Moll como l'aguacil Nostradamus "Bull" Shannon
Gail Strickland como la defensora pública Sheila Gardner (namás nel episodiu pilotu)
Karen Austin como la secretaria del tribunal Lana Wagner (temporada 1)
Paula Kelly como la defensora pública Liz Williams (temporada 1)
Selma Diamond como l'aguacil Selma Hacker (temporaes 1–2)
Ellen Foley como la defensora pública Billie Young (temporada 2)
Charles Robinson como'l secretariu del tribunal Macintosh "Mac" Robinson (temporaes 2–9)
Markie Post como la defensora pública Christine Sullivan (invitada temporada 2, fixa temporaes 3–9)
Florence Halop como l'aguacil Florence "Flo" Kleiner (de soltera Nightingale) (temporada 3)
Marsha Warfield como l'aguacil Rosalind "Roz" Russell (temporaes 4–9)

Recurrente

Mike Finneran como l'encargáu del edificiu y reparador Art Fensterman
Daniel Frishman como'l xefe tiránicu de Dan, el fiscal Vincent Daniels
Leslie Bevis como Shiela, amante ocasional de Dan
Eugene Roche como Jack Sullivan, padre de Christine
Jason Bernard como'l xuez Willard
Florence Stanley como la xueza Margaret Wilbur
Brent Spiner y Annie O'Donnell como Bob y June Wheeler, acusaos frecuentes
Yakov Smirnoff como l'inmigrante rusu Yakov Korolenko
Mel Tormé como él mesmu, ídolu musical de Harry
Terry Kiser como'l periodista sensacionalista Al Craven (temporaes 1–2)
Rita Taggart como Carla Bouvier, prostituta y acusada frecuente (temporaes 1–2)
Martin Garner como Bernie, dueñu del quioscu de prensa (temporaes 1–3)
Denice Kumagai como Quon Le Duc Robinson, esposa de Mac (temporaes 2–9)
John Astin como Buddy Ryan, padrastu (y dempués padre biolóxicu) de Harry (temporaes 3–9)
William Utay como Phil Sanders, vagamundu y asistente de Dan (temporaes 3–7), y Will, el hermanu xemelu corruptu de Phil (temporaes 8–9) que lu sustitúi tres la so muerte
Bumper Robinson como Leon, llustrador de zapatos (temporada 5)
Ray Abruzzo como Tony Giuliano, detective de la policía de Nueva York y maríu de Christine (temporaes 7–8)
Mary Cadorette como Margaret Turner, periodista y novia de Harry (temporada 8)
S. Marc Jordan como Jack Griffin, dueñu del quioscu de prensa (temporaes 8–9)
Joleen Lutz como Lisette Hocheiser, taquígrafa del tribunal (temporaes 8–9)
Gilbert Gottfried como Oscar Brown, fiscal (temporada 9)

Cásting

Selma Diamond finó de cáncanu de pulmón tres la segunda temporada. Florence Halop foi contratada pa sustituyila como nueva aguacil, pero tamién yera fumadora empedernida y desenvolvió tamién cáncanu de pulmón, finando tres grabar la tercer temporada. Foi sustituyida por Marsha Warfield, qu'interpretó a la aguacil Roz Russell hasta que la serie terminó en 1992.^[1]

En 1984, Shelley Hack, de Charlie's Angels, foi contratada pa sustituyir a Paula Kelly y interpretar a la nueva defensora pública Christine Sullivan, quien diba tener una rellación romántica col xuez Harry Stone (Harry Anderson). Pero durante los ensayos, Hack y el productor Reinhold Weege diéronse cuenta de qu'había un problema. "Lo que pasó ye que cambiaron el papel. En llugar de ser una muyer graciosa, como yera na llectura, camudáronla a una figura seria. Nun funcionaba. El conceutu simplemente nun funcionaba y eso ye lo que-y comenté... ¿Qué sentíu tien si nun funciona?" Hack y el productor acordaron de forma amistosa que nun seguiría na serie. Ellen Foley foi incorporada na segunda temporada como un personaxe nuevu, la defensora pública Billie Young. Nel episodiu 2 de la segunda temporada (como invitada, nel que yera pensáu como l'estrenu de temporada), y dende la tercer temporada en delantre (como miembru fixu del repartu), Markie Post foi contratada pa interpretar a Christine Sullivan.

Banda sonora

Cada episodiu de Night Court entama (dempués d'un cold open) y termina con una tema musical d'estilu jazz llatín con fuerte presencia de baxu, compuesta por Jack Elliott, con Ernie Watts al saxofón, acompañada de videu con imáxenes de llugares emblemáticos de la ciudá de Nueva York como la Ponte de Brooklyn y el Tribunal del Condáu de Nueva York.

La tema de Night Court foi usada nel episodiu "Bill & Peter's Bogus Journey" de la quinta temporada de Family Guy, con animaciones del ex-presidente d'Estaos Xuníos Bill Clinton tocando el saxofón xunto a músicos del Serviciu Secretu de los Estaos Xuníos como banda de sofitu.

La tema tamién foi muestreada nel remix del single de Cam'Ron de 1998 "Horse & Carriage", producíu por Darrell "Digga" Branch y con participación de Big Pun, Charli Baltimore, Wyclef Jean y Silkk the Shocker.

Tres la música de los creitos finales, escúchase una risa distintiva sobrepuesta al logotipu de la productora "Starry Night Productions" de Reinhold Weege.^[2] Esa mesma risa puede oyise ente'l públicu del estudiu a lo llargo de munches temporaes de Night Court. Al entamu pensábase que yera una risa enllatada del actor de voz Mel Blanc o inclusive del protagonista Harry Anderson; pero en realidá yera la risa de Chuck Weege, padre de Reinhold, qu'asistía a casi toles grabaciones en persona (hasta que Reinhold dexó la serie tres la sexta temporada).

Premios y reconocimientos

Night Court recibió numberosos premios y nominaciones. Selma Diamond (en 1985) y John Larroquette (en 1988) fueron nominaos a los Globos d'Oru, pero perdieron frente a Faye Dunaway y Rutger Hauer, respeutivamente. Paula Kelly foi nomada a un Premiu Emmy tres la primer temporada. Larroquette ganó cuatro Emmys consecutivos como meyor actor secundariu nuna comedia ente 1985 y 1988, antes de retirar el so nome de la candidatura en 1989. Selma Diamond foi nomada en 1985, y Harry Anderson recibió trés nominaciones en 1985, 1986 y 1987. La serie recibió trés nominaciones al Premiu Emmy a la Meyor Serie de Comedia en 1985, 1987 y 1988. Tamién recibió munchos premios y nominaciones nes categoríes de iluminación, montaxe, mezcla de soníu y direición técnica. En total, la serie foi nomada a 31 Emmys, ganando siete.

Referencies

↑ Littleton, Darryl (2008). Black Comedians on Black Comedy: How African-Americans Taught Us to Laugh, páx. 237. ISBN 978-1-55783-680-9.
↑ Night Court. End Credit Theme. TRshow. "Starry Night Productions".

Enllaces esternos

[1] Littleton, Darryl (2008). Black Comedians on Black Comedy: How African-Americans Taught Us to Laugh, páx. 237. ISBN 978-1-55783-680-9.

[2] Night Court. End Credit Theme. TRshow. "Starry Night Productions".

[1]

[2]