Nico Minardos

De Wikipedia
Nico Minardos
Vida
Nacimientu Atenes15 de febreru de 1930
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Woodland Hills27 d'agostu de 2011[1] (81 años)
Familia
Casáu con Deborah Ann Minardos ( – 1950)
Estudios
Estudios Universidá de California en Los Angeles
Llingües falaes inglés
Oficiu actor, actor de televisiónactor de cine
IMDb nm0590956
Cambiar los datos en Wikidata

Nico Minardos (15 de febreru de 1930Atenes – 27 d'agostu de 2011Woodland Hills) foi un actor cinematográficu y televisivu grecoestauxunidense.

Biografía[editar | editar la fonte]

Nacíu nel barriu ateniense de Pangrati, Grecia, Nico Minardos trabayó per vegada primera ante les cámares en Hollywood como extra del filme de 1952 Monkey Business, protagonizáu por Cary Grant, Ginger Rogers, y Marilyn Monroe. Otros de los títulos nos que trabayó fueron Holiday for Lovers (con Jill St. John), Twelve Hours to Kill (con Barbara Eden), It Happened in Athens (con Jayne Mansfield) y Cannon for Cordoba, un western con George Peppard y Pete Duel.

Sicasí, la mayor parte del so trabayu foi televisivu, actuando nuna gran variedá de programes. Por cuenta del so aspeutu físicu y al so acentu, de cutiu foi escoyíu pa faer papeles de mexicanu, un enclín que puede reparase a tou lo llargo de la so carrera. Ente dichos papeles figuren el d'un lladrón nel episodiu de Maverick "The Judas Mask", el d'un doctor na entrega de Dimensión Desconocida "The Gift", y dos actuaciones en Alies Smith and Jones, primero como un bandíu en "Journey from San Juan," y dempués como un alcalde mexicanu en "Miracle at Santa Marta." Nos dos últimes actuaciones trabayó col so compañeru de repartu en Cannon for Cordoba, Pete Duel, qu'interpretaba a Hannibal Heyes, l'alies Smith del títulu.

Minardos casóse dos veces. El so primer matrimoniu, curtiu, foi a mediaos de la década de 1950 con Deborah Jean Smith (dacuando llamada incorréctamente Deborah Ann Montgomery). La pareya nun tuvo fíos. Dos años dempués de divorciase, Deborah casóse col actor Tyrone Power. Minardos volvió casase en 1966, esta vegada con Julie Minardos, cola que tuvo dos fíos, George y Nina. Fora de los sos matrimonios, Minardos tendría rellación sentimental cola actriz Marilyn Monroe y cola actriz y baillarina Juliet Prowse.

El 28 de setiembre de 1966, Minardos, que trabayaba col actor Eric Fleming na filmación d'una producción de MGM-TV en Perú que diba titulase "Selva Alta", viose arreyáu nun accidente con una canoa nel ríu Huallaga mientres el cual Fleming afogóse. Minardos, un bon nadador, foi incapaz de salvar a Fleming y escapó con vida por pocu. El cuerpu de Fleming nun se recuperó hasta tres díes más tarde.

En 1975 Minardos protagonizó y produció Assault on Agathon, filme basáu nel llibru d'Alan Caillou, y nel cual interpretaba a Cabot Cain. Na película trabayaben Marianne Faithfull y John Woodvine. L'últimu trabayu de Minardos foi una actuación en 1983 nun episodiu de The A-Team.

En 1986 Minardos foi unu de los acusaos nun casu rellacionáu col asuntu Irán-Contra, tou ello por causa de la so rellación comercial col mercader árabe Adnan Khashoggi. Minardos foi deteníu nuna operación del FBI en Nueva York y acusáu por Rudy Giuliani de combalechadura pa la venta illegal d'armes a Irán. Foi defendíu polos afamaos abogaos antigubernamentales William Kunstler y Ron Kuby. Anque l'acusación foi finalmente retirada, el costu del so defensa llevó-y a la bancarrota y a la fin de la so carrera en Hollywood. Minardos camudó la so casa en Beverly Hills por un yate en Florida, saleando finalmente al so natal Grecia con una tripulación qu'incluyía al so fíu George.

Nes décades de 1990 y 2000 Minardos vivió retiráu en Fort Lauderdale, anque en 2009, en sufriendo un ictus, volvió a Sur de California.

Nico Minardos finó en Woodland Hills (Los Angeles), California, en 2011.Obituary - Variety

Referencies[editar | editar la fonte]

Enllaces esternos[editar | editar la fonte]