Nicer, fíu de Clutoso

De Wikipedia
Saltar a navegación Saltar a la gueta

Nicer, fíu de Clutoso o na forma en llatín Nicer Clutosi, foi un príncipe de los galaicos, fíu de Clutoso, que mandó sobre la tribu de los albiones mientres el sieglu IV.

Historia[editar | editar la fonte]

Tiense constancia d'él polos restos epigráficos atopaos en 1932 na desaguada del ríu Eo, en Vegadeo, onde foi afayada la estela de Nicer, príncipe de los albiones (princeps Albionum). La estela ta expuesta nel Muséu Arqueolóxicu d'Asturies, n'Uviéu.

La inscripción de la estela ye la siguiente: «XP NICER CLUTOSI Ɔ CARIACA PRINCIPIS ALBIONUM AN LXXV HIC S EST» (Nicer, [fíu] de Clutoso [del castru] de Cariaca, [de la casa] del príncipe de los albiones, de 75 años, xaz equí).

Cultura[editar | editar la fonte]

Sofitando militarmente a estos soberanos, ye posible que cada tribu galaica cuntara con un grupu de nobles y guerreros qu'apurríen proteición a la tribu y nos que probablemente recayía l'alministración local de cada castru dientro de la tribu. El so status social al igual que los soberanos, amosábase non solo nel poder político, o adquisitivu de les sos pertenencies sinó l'usu de determinaos oxetos simbólicos íntimamente venceyaos a les clases altes de l'aristocracia, como yeren el torques.

Localización[editar | editar la fonte]

El territoriu de la tribu de los albiones taba entendíu dientro del Conventu lucense, que s'asitiaría nel territoriu costeiro entendíu nes marxes del ríu Navia, nel que na actualidá ye la Asturies occidental.

Enllaces esternos[editar | editar la fonte]