Niccolò Paganini

De Wikipedia
Niccolò Paganini
Vida
Nacimientu Xénova[1]27 d'ochobre de 1782[2]
Nacionalidá República de Xénova
Muerte Niza[1]27 de mayu de 1840[2] (57 años)
Sepultura Villetta Cemetery (en) Traducir[3]
Familia
Casáu con ensin valor
Familia
Estudios
Llingües falaes italianu[4]
Alumnu de Ferdinando Paër (es) Traducir
Alessandro Rolla
Gasparo Ghiretti
Rodolphe Kreutzer (es) Traducir
Profesor de Camillo Sivori
Oficiu compositor de música clásica, violinista, violin virtuos (en) Traducir, violista, guitarristacompositor
Trabayos destacaos 24 Caprichos para violín (es) Traducir
Concierto para violín n.º 1 (Paganini) (es) Traducir
Concierto para Violin No. 2 de Paganini (es) Traducir
Violin Concerto No. 3 (en) Traducir
Violin Concerto No. 4 (en) Traducir
Violin Concerto No. 5 (en) Traducir
Premios
Xéneru artísticu música culta (es) Traducir
Instrumentu musical violín
viola
guitarra
IMDb nm0656028
Cambiar los datos en Wikidata
[[:Archivu:CELLO ENCORES JOHN MICHEL-Paganini Variations on One String.ogg|Variaciones nuna cuerda]]

[[Archivu:CELLO ENCORES JOHN MICHEL-Paganini Variations on One String.ogg|180px|noicon]]

Interpretáu por John Mitchell

Niccolò Paganini Bocciardo (27 d'ochobre de 1782Xénova – 27 de mayu de 1840Niza) foi un violinista, violista, guitarrista y compositor italianu, consideráu ente los más virtuosos músicos del so tiempu, reconocíu como unu de los meyores violinistes qu'esistieren, con oyíu absolutu y entonación perfecta, téuniques d'arcu espresives y nuevos usos de téuniques de staccato y pizzicato.[ensin referencies]

Biografía[editar | editar la fonte]

Nació en Xénova, onde estudió con músicos locales. Los sos padres fueron Antonio Paganini y Teresa Bocciardo. Empezó a estudiar la mandolina col so padre a los cinco años. A los siete años empezó a tocar el violín. Fixo la so primer apaición pública a los nueve años y realizó una xira per delles ciudaes de Lombardía a los trelce. Sicasí, hasta 1813 nun se-y consideró un virtuosu del violín. Tuvo como maestros a Giovanni Servetto y Alessandro Rolla. Con 16 años yera yá conocíu, pero nun dixirió bien l'ésitu y enfilábase de cutio. Una dama desconocida salvólu d'esa vida llicenciosa pa llevalo a la so villa onde aprendió a tocar la guitarra y el pianu. En 1801 compunxo más de venti obres nes que combina la guitarra con otros preseos. De 1805 a 1813 foi direutor musical na corte de Maria Anna Elisa Bacciocchi, princesa de Lucca y Piombino y hermana de Napoleón. En 1813 abandonó Lucca y empezó a faer xires por Italia, onde la so forma d'interpretar atraxo l'atención de quienes lu escuchaben. En 1828 foi a Viena, más tarde a París y en 1831 a Londres. En París conoció al pianista y compositor húngaru Franz Liszt, quien esteláu pola so téunica, desenvolvió un axugu pianístico inspiráu no que Paganini fixera col violín. En 1833 na ciudá de París encargólu a Héctor Berlioz un conciertu para viola y orquesta; el compositor francés realizó Harold n'Italia, pero Paganini nunca la interpretó. Arrenunció a les xires en 1834.

Foi amás tutor del violinista italianu Antonio Bazzini, a quien motivó por qu'empecipiara la so carrera como concertista. La so téunica ablucaba tanto al públicu de la dómina que llegaron a pensar qu'esistía dalgún influxu diabólicu sobre él, porque de la mesma el so apariencia notaba daqué estraña y los sos adelantos musicales yeren una verdadera obra d'arte. Dicíase que na mayoría de los sos apuntes apaecía una nota estraña la cual dicía "nota 13". Podía interpretar obres de gran dificultá namái con una de los cuatro cuerdes del violín (retirando primero les otres trés, de manera que éstes nun se rompieren mientres la so actuación), y siguir tocando a dos o tres voces, de forma que paecíen varios los violinos que sonaben. Amás na mayoría de los sos espectáculos usaba la improvisación. Esto indica lo cercano que taba'l so arte al mundu del espectáculu. Les sos obres inclúin venticuatro caprichos pa violín solu (1801-1807), seis conciertos y delles sonates. Amás creó numberoses obres nes qu'arreyaba de dalguna manera a la guitarra, esautamente 200 pieces.

Llegó a tener cinco violinos Stradivarius, dos Amati y un Guarnerius (el so violín favoritu) llamáu Il Cannone.

La so salú foise deteriorando por causa d'una tuberculosis diagnosticada en 1819. Nos años 1834 y 1840 careció dos fuertes episodios de hemoptisis, siendo'l segundu'l que causó la so muerte. Mientres la meyora de la enfermedá, que pasó de los sos pulmones a la larinxe, careció afonía crónica los dos últimos años de la so vida. El músicu, amás, amelecinábase con mercuriu pa tratar la sífilis que tamién carecía. Finó en Niza el 27 de mayu de 1840.

La so imaxinativa téunica influyó notablemente en compositores posteriores como Franz Liszt, Johannes Brahms, Sergei Rachmaninoff, Boris Blacher, Andrew Lloyd Webber, George Rochberg y Witold Llutosławski, ente otros.

Ver tamién[editar | editar la fonte]

Referencies[editar | editar la fonte]

  1. 1,0 1,1 Afirmao en: Gemeinsame Normdatei. Data de consulta: 12 xineru 2017. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. URL de la referencia: http://www.cimiterodellavilletta.parma.it/villetta/scheda.asp?idItem=14390. Data de consulta: 2020.
  4. URL de la referencia: https://plus.si.cobiss.net/opac7/conor/16154723.

Enllaces esternos[editar | editar la fonte]