Ni Andromedae

De Wikipedia
Saltar a navegación Saltar a la gueta
Ni Andromedae
Ni Andromedae A/B
Constelación Andrómeda
Ascensión reuta α 00h 49min 48,85s
Declinación δ +41º 04’ 44,1’’
Distancia 680 ± 110 años lluz
Magnitú visual +4,53 (conxunta)
Magnitú absoluta -2,06 (conxunta)
Lluminosidá 1700 / ? soles
Temperatura 15.000 / ? K
Masa 5,8 / ~1,1 soles
Radiu 6 / ? soles
Tipu espectral B5V / F8V
Velocidá radial -23,9 km/s

Ni Andromedae o Nu Andromedae (ν And / 35 Andromedae / HD 4727)[1][2] ye una estrella na constelación d'Andrómeda de magnitú aparente +4,53. Alcuéntrase a unos 680 años lluz del Sistema Solar.

Ni Andromedae ye una estrella binaria espectroscópica compuesta por una estrella azul de la secuencia principal de tipu espectral B5V y una nana mariella de tipu F8. La componente principal ye la estrella azul, con una temperatura superficial de 15.000 K, una lluminosidá 1700 vegaes mayor que la lluminosidá solar, y una masa de 5,8 mases solares. La so compañera, muncho más tenue, ye una estrella asemeyada al Sol o a ι Horologii, con una masa averada de 1,1 mases solares.[3]

Los dos estrelles del sistema tán bien próximes, con un periodu orbital de namái 4,28 díes. Como cabría esperar, dambes estrelles tienen rotación síncrona, esto ye, caúna de les estrelles amuesa siempres la mesma cara a la otra. Teniendo en cuenta les sos respeutives mases, la separación ente dambes pue ser d'unos 20 radios solares, y cuidao que la estrella principal tien un radiu 6 vegaes mayor qu'el del Sol, la separación ente dambes ye de namái tres veces el radiu de la estrella azul. Con una edá averada de 80 millones d'años, ésta última debe de tar escosando la so hidróxenu internu, próxima a convertise nuna estrella xigante. Al espandise, va atopar cola nana mariella, produciéndose tresferencia de masa ente los dos componentes, ensin que pueda predicise la posterior evolución del sistema.[3]

Referencies[editar | editar la fonte]