Nellie Clifden

De Wikipedia
Nellie Clifden
Vida
Nacimientu sieglu de XIX
Muerte fecha desconocida
Oficiu actriz de teatru
Cambiar los datos en Wikidata

Nellie Clifden o Nellie Clifton (sieglu de XIX – fecha desconocida) foi una actriz irlandesa que se fixo famosa pola so rellación con Eduardo, príncipe de Gales antes del so matrimoniu con Alexandra de Dinamarca. Conociéronse cuando'l príncipe taba pasando diez selmanes en Curraugh Camp n'Irlanda cola Guardia de Granaderos en 1860. Eduardo yera un novatu en cuestiones rellacionaes col sexu, polo que los sos compañeros cadetes llevaron a Nellie a la cama del príncipe.[1] La información alrodiu de esti asuntu llegó a los padres d'Eduardo y el so padre, el príncipe Alberto, escribió-y una llarga carta de amonestación. Alberto más tarde visitó al so fíu en Cambridge y dieron un llargu paséu so l'agua p'aldericar la irresponsabilidá del príncipe na so vida personal. Nesa dómina, Alberto garró la fiebre tifoideo que lo mató pocu dempués, la reina Victoria culpó a Eduardo y afirmó que nunca perdonaría al so fíu.[2] Dicía que'l so home morrió d'esmolición pola conducta del príncipe y que «fuera asesináu por esi espantible asuntu».[3] La rellación del príncipe de Gales con Nellie terminó cuando'l so mandatu nel Curraugh Camp remató, pero foi la so primer amiga y por tanto famosa. Casóse con Alexandra de Dinamarca en 1863, pero siguió teniendo bastantes rellaciones con otres muyeres.[2]

Referencies[editar | editar la fonte]

  1. «Victoria» (inglés). English Monarchs. Consultáu'l 19 d'avientu de 2010.
  2. 2,0 2,1 Hames, Tim (16 d'abril de 2007). «Turbulent history of quest for the perfect consort» (inglés). The Sunday Times. Consultáu'l 19 d'avientu de 2010.
  3. Hibbert, Christopher (2000) Queen Victoria: A Personal History, Londres: HarperCollins, ISBN 0-00-638843-4, p. 299