Ne me quitte pas
Ne me quitte pas | |
---|---|
Datos | |
Tipu | cantar |
Intérprete | Jacques Brel y Miguel Bosé |
Idioma | francés |
Lletrista | Jacques Brel |
Compositor | Jacques Brel |
Productor | ensin valor |
Fecha publicación | 1959 |
![]() |
Ne me quitte pas ye un cantar famosu, compuestu, escritu y cantáu por Jacques Brel (unu de los mayores representantes de la Chanson del sieglu XX) en 1959, publicáu por Éditions Warner-Chappell. El cantar foi escritu depués de la xebra de Brel y de Suzanne Gabriello (magar que fuera él el que la dexara). Dirá demientres una entrevista qu'esti cantar nun yera un cantar d'amor sinón un cantar sobre la cobardía de los homes.
- La primera versión de Brel foi rexistrada'l 11 de setiembre de 1959 y alcuéntrase nel álbum La Valse à mille temps.
- En 1961, graba una versión n'holandés, titulada Laat me niet alleen.
- Trece años depués de la orixinal, el 20 de xunu de 1972, Jacques Brel graba otra versión pal álbum del mesmu nome Ne me quitte pas.
Adautaciones
[editar | editar la fonte]Ne me quitte pas foi cantada igualmente por Simone Langlois, Édith Piaf, Nina Simone, Sylvie Vartan, Serge Lama, Juliette Gréco, Nana Mouskouri (nel álbum Hommages en 1997), Yuri Buenaventura (versión salsa, en 1999), Maysa Matarazzo, Estrella Morente, Sting, Johnny Halliday y Florent Pagny.
Tamién se fizo una adautación humorística por parte de Muriel Robin, que nel so sketch tituláu "La lettre", llee y comenta la carta del so amigu qu'acaba de dexar. La carta nun ye otra que "Ne me quitte pas".
El cantar foi adaptáu n'inglés por Rod McKuen baxo'l títulu If you go away. Esta versión foi interpretada por Ray Charles, David Bowie, Scott Walker, Shirley Horn, Alex Harvey, Jack Lukeman, Julio Iglesias, Marc Almond, Momus, Neil Diamond, The Paper Chase, Frank Sinatra, Dusty Springfield, The Dresden Dolls, Cindy Lauper y Patricia Kaas…
"Ne me quitte pas" grabóse igualmente en varies llingües siendo unu de los cantares más versionaos de la música moderna, cantada ente otros baxo los títulos "If you go away", "Don´t leave me", "Bitte, geh nicht fort", "Non andare via", "Não me deixes mais", "Laat me niet alleen", "Al tilchi mikan", "Ne ovstavljaj me", "No me dejes" o "No em deixis mai".
Curiosidaes
[editar | editar la fonte]Pedro Almodóvar incluyó la versión de "Ne me quitte pas" cantada pola brasilana Maysa Matarazzo na so película La ley del deseo (1987). Na escena, la pequeña Ada, Manuela Velasco, altraviesa sobre un riel l'escenariu nel que Tina, Carmen Maura, interpreta la pieza teatral La voz humana de Cocteau, vistida de primera comunión y na voz de Maysa Matarazzo suena dramáticamente Ne me quitte pas.
Lletra orixinal del cantar
[editar | editar la fonte]
|
|
|
|
|
Versión n'asturianu
[editar | editar la fonte]
|
|
|
|
|