Neñera

De Wikipedia
Saltar a navegación Saltar a la gueta
Neña cola so neñera

Una ñeñera o ñeñeru ye una persona que s'encarga de curiar los neños d'un terceru.[1] Dende mediaos del sieglu XX comúnmente débese a que los padres de la persona cuidada nun pueden ocupase d'él porque caltienen una actividá llaboral. La muyer que fai esti trabayu a tiempu completu suel llamase añada. Sicasí, n'Arxentina úsase ñeñera pa dambes, y dacuando llámase babysitter a la ocasional, que n'España se suel denominar canguru.[2]

Descripción[editar | editar la fonte]

L'actividá de la neñera desenvuélvese de cutiu na casa de la familia que solicita'l serviciu o na mesma casa de la neñera. L'actividá de neñera puede ser desenvuelta por profesionales, según por moces nueves, de cutiu estudiantes universitaries qu'aprovechen el tiempu llibre pa ganar dalgún dineru. Anguaño, esisten axencies profesionales qu'escueyen y ufierten al mercáu'l serviciu de persones como ñeñeres.

La contratación de la neñera de normal produzse tres una primera entrevista, na que se ponen de manifiestu los deberes solicitaos y valórase la fiabilidá de la persona.

El costu[editar | editar la fonte]

Los costos d'una neñera son bien variables dependiendo de diversos factores. Una neñera ocasional de normal faise pagar per hores ente que l'habitual faise pagar una compensación per selmanes o meses.

Quien desenvuelve l'actividá de neñera en manera non profesional tiende a cobrar salarios más moderaos al respective de la tasa profesional que puede comprometese a aiciones extras, tales por casu a enseñar una llingua estranxera al neñu o a impartir lleiciones d'otru tipu.

La neñera autónoma afita la tarifa individualmente, ente que les que tán sol paragües d'una axencia tienen tarifes comunes.

Variaciones[editar | editar la fonte]

Como una variación de lo anterior, esisten neñeres a tiempu completu o semicompleto, conocíes como añada; y qu'igualmente reciben remuneración, y en que'l so pago n'ocasiones puede incluyir amás agospiamientu y mantención. Igualmente atopamos tamién como variación a les au pair, que son xeneralmente chiques estranxeres que se comprometen a curiar de los neños y enseña-yos la so llingua en cuenta de casa y mantención. A diferencia de les neñeres, un Au Pair nun recibe un salariu sinón una mesada o dineru de bolsu per alredor de 30 hores de trabayu a la selmana. Coles mesmes, les persones Au Pair de normal tienen ente 18 y 30 años y son consideraos un miembru más de la familia y non un emplegáu.[3]

Ver tamién[editar | editar la fonte]

Referencies[editar | editar la fonte]

  1. «ñeñeru, ra». rai.es (Real Academia Española). Consultáu'l 9 de mayu de 2016.
  2. «Canguru, significaos».
  3. «¿Conoces les diferencies ente Au Pair y neñera?» (es). Consultáu'l 16 de mayu de 2017.


Niñera