Nacho Orviz

Nacho Orviz
Vida
Nacimientu	Xixón, 2 d'avientu de 1958 (65 años)
Nacionalidá	España
Estudios
Llingües falaes	castellanu
Oficiu
Oficiu	bomberu, alpinista

Nacho Orviz Menendez (2 d'avientu de 1958, Xixón) ye un conocíu alpinista asturianu, parte de la selección d'Endesa, empresa que-y patrocinó la so espedición xunto a Edurne Pasaban. A dia de güei anota siete ochomiles. Los sos primeros pasos como alpinista tuvieron llugar en Xixón, concretamente en La Ñora. Dempués vieno Quirós.

Trayeutoria deportiva

Nacho Orviz entamó nel mundu de la escalada con solo 18 años, col yá desapaecíu Club Esquí Alpín de Xixón (primero nos cantiles de la cercana sablera de La Ñora, dempués nos montes del conceyu de Quirós) y fizó'l so primer cume nel asturianu Picu Pienzu (1161 metros), el picu más altu del cordal del Sueve, depués marcóse retos más ambiciosos. El primer «ochomil» de la so carrera foi'l Gasherbrum II (8.035 m), que coronó en 1997. Siguiríen-y el Makalu (8463 m) en 2004, en compañía de la tamién asturiana Rosa Fernández, el Nanga Parbat (8125 m) en 2005, formando parte d'un grupu nel que figuraba l'alpinista Edurne Pasaban; el Dhaulagiri (8167 m) en 2008; el Annapurna (8091 m) y el Shisha Pangma (8046 metros), ambos en 2010 y también con Edurne Pasaban y l'equipu del programa de Televisión Española (TVE) «Al Filo de lo Imposible», del que formaba parte Orviz como cámara d'altor; el Cho Oyu ("Diosa Turquesa" en tibetanu), el sestu monte más altu de la Tierra (8201 m), que s'atopa en Nepal, concretamente nel Himalaya y a 20 km del oeste del Everest, el 1 d'ochobre de 2011, esta postrera (Cho Oyu) foi xubida enantes en 2011 por Orviz en solitariu y a lo último, la so última ascensión hasta'l momentu d'un ochomil, el Broad Peak (8051 m). Toos ellos vencios a pulmón, ensin osíxenu artificial, que ye lo verdaderamente complicao a la de faer frente a un altor asemeyáu. Estes dificultaes son les que-y torgaron llegar al visu del Everest nos años 1993, 2011 y 2012, según al Manaslu. Tamién escaló en Patagonia (Cerro Torre) 1997/98, en Yosemite (The Nose, Triple Direuta, Salathe) y practica escalada deportiva onde llegó a nivel 8B. PREMIU DELFOS Nacional 2015

Vida personal

Bomberu d'oficiu (ingresó nel Cuerpu de Bomberos de Xixón en 1988), antes fuera guardia del abellugu de monte de 1982 a 1983 de la Vega d'Urriellu (Cabrales, Asturies), lo qu'aprovechó pa llevar a cabu más de cien ascensiones al célebre Picu Urriellu, onde en 1984 fixo tres víes distintes pela cara Oeste en namái 18 hores.

Anguaño solteru y con una fía.s

Bibliografía

• Datos: Q20016451
• Multimedia: Nacho Orviz